感覺

June 29, 2004 § Leave a comment

相處了四年寒暑
感情無人能及,不能代替
遠走,離去,都帶不走我們之間的關係,是遠了,感覺、外表、思想都變了。
以前不見一天、一個月都會有捨得不的感覺。
莫非過往只是習慣
習慣了每天相見?每天通電話?
一切都只是習慣?
還是迫不得已去放棄?
過往的執著好像放開了
不會執著你的說話
不會再為自己的執著而痛。
或者真的是迫於無奈!
從我看見、認識一個重新的你後,
我明白了一切,我接受了一切。
從現在的你,我明白了你的”愛”的定義。
明白你以往的不在乎。
現在更不用說…
你眼中只有前方…後方…你不會回頭一看

沒有你,戲不能再開拍。
與你分別,生活一樣地過。而與你之間更多了一份從來沒有過的”輕鬆”
(我承認之前的我拉得好緊)
是好事嗎?或者我這隻受困的小鳥,多了自由,減少傷心!
我與你可以擁有多個寒暑,已實屬難得
直至今日,我仍可以留有稱號
已是一種福份!我不渴求多,只是想一直維持。(希望這少火願望能夠實現)

以為自己需要花很多年的時間才可釋懷
原來…
當要真正要明白一些東西時
不需要太多時間

我用了五個月時間去慢慢明白、學習體會一切
我暫時可以話放下了七成
而你…則更用了短短兩個月(太過份~)
記得你曾經說過至少要用大家相識的時間才可以忘記
(雖然…現在不是忘記…我更不希望…)

我唯一擔心的是
你的愚蠢

和之後…更長的時間
你會把我放低

有時你說的話
(比著以前我會非常著緊,但現在不會了)
而有些我以前或者希望聽到的話
現在聽到,竟然會懷疑這是真是假?

忙碌十年

June 24, 2004 § Leave a comment

今日天氣時好時壞,時晴時陰

好嬲呀

我頭先打左好多野…差唔多打完ga la

一個唔該話…有問題而無晒
我………….

算la~

講返…我再勁簡短咁打返

我做緊呢間seven ge特別之處就係成日都會有多明星黎買野

之前提過有梁漢文la

尋晚我見到鄭嘉穎
(當時我等緊人放工睇緊雜誌)
佢真人係幾黑
但係…..皮膚好差
唔太靚仔
真人同上境有d 分別

佢黎seven交電話費
但係收銀個個收得勁慢(收左五分鐘都未搞掂)
後面有人排緊隊
佢竟然…同個個人講sorry~
(幾好呀~竟然會講….)
但係佢全程係無笑過

臨走時….我想同佢講bye bye ga~
但係又覺得有d 白痴
so…無講

而今日我見到廖碧兒
上次都見過佢一次ga la
(不過上次太快唔太肯定…因為我見到明星真人…我永遠都覺得好似….唔會覺得係真)
佢兩次黎都係買雜誌

佢真人同上鏡係無分別
仲幾靚
皮膚勁好(做乜咁留意人地d 皮膚ge?)
佢今日….都好似有笑ge
買左三本雜誌就走左

而再之前我見到yumiko
不過對此人完全無興趣

就係咁多la
不過經我多番證實
原來附近真係有間studio
so…咁多明星掛
有d 就應該住係附近ge

好la~
講返今日我發現到ge恐怖野
我發現我唔止係負資產
仲要係

負負負

資產
唉~
我計過條數
今個月洗費超大
洗錢好似倒水咁

我發現好似做到七月尾
都唔夠錢還俾我媽

點算好lei?
我仲同魔鬼講七月中唔做

而家點好lei?
我對呢份工ge感覺係無變ga

但係唔做ge 原因係清晰左
除左….d 人衰外
仲有….我驚今個暑假可能係我最後一個假
咁d 錢賺完又會洗晒
但係假無左就係無左
雖然可能會係 home 偶臭
但係…有幾可有機會…可以係home 做自己想做ge野
仲有一個原因係….我”日夜顛倒左一個月…..”好辛苦呀
我再係咁落去….會變殘十年GA
而家黑眼圈可以同熊貓比美
(諗諗下不如改自己英文名做PANDA?)
加上你的存在

但係….
仲之一提到錢就煩la
我數學白痴ga 嘛
又要我計

計極都唔掂
無錢無承諾
我係咪要挨落去lei?

唔還錢做到七月尾
好唔好lei?
唔學日文
返工….好唔好lei?

唉~
如果今日唔計呢條數…
咪…….無事lor
不過…唔計….
咪唔知原來自己洗左咁多錢???
唉~幾時先可以挨過呢條貧窮線呀?

俾我中個六合彩….中幾百蚊都好LA
唉~…
我而家又要重新猶豫過返到幾時?

好煩呀?

後日考ORAL LA

經過係SEVEN 咁多日對住D 阿鬼阿差
會唔會大膽D LEI?

唉~唔知呀~
不過最驚俾人爭住講

算LA~…
講住咁多

不過仲有D野要煩
原來我有好多野都未READY

你都要考試LA……奸爸爹呀
我知你…………..有機升到GE
佢都會升到
你記住你爭我個餐
HOLIDAY INN HOTEL 自助餐呀
唔係就KOWLOON HOTEL 嘛
HAHAHAHA~
我記得GA
我相信你唔會為左餐飯
而放棄自己前途GE

不過而家預先恭喜你
你同佢都得左呀

(不過你講野..信唔信得過LEI?係我記憶中..你好似未請過我食飯GA WOR)
不過你要知結果都好耐之後GE事
咁點食LEI?
我要今年食GA
HAHA~

重新打過晒D野…又SHINE 左我三個字[blink=][/blink]

清談n個鐘

June 22, 2004 § Leave a comment

其實真係好奇怪
同你真係永遠都有講唔完的話題
有幾次…..同你食飯
發現大家無野講….靜晒會覺得好怪

好高興我地有咁ge緣份今年識到
之前或者無咁熟

但係真係..好得意
或者你真係好有我小學fd ge影子
so….你係我心目中係高一層
同埋好似永遠都熟絡d

今晚話題太多
不過成日都有好多話題
“人生…哲理…友情…愛情….音樂..漫畫…小說….家人…星座”
n 種話題停不了

其實有邊個真係會同你講..人生哲理
(同你講個個都傻ga la)

但係..真係..好正lor
我地今年講ge野…
等於我地…傾左十年ge話
d 話題已經可以更進一步…從話題之中….好似令大家了解大家多d

平時…邊會講d 咁ge野
最熟個個都唔會la

好得意真係好得意

不過我永遠都驚之後…可能…一無任何關連
我地就…又重新做過陌路人

希望明日之後…我地會更fd la

不過…估唔到你咁了解巨蟹座
真係完全中晒
如果咁講…真係俾你睇清睇透

你亦令我更加了解你ge星座la

今晚最大的鼓舞係…..
你又俾左一個新啟示我

你俾左一個推動力我..
唔再猶豫返唔返工la?
係lor..之後或者我無得放咁長ge假
可以無聊地想做自己做ge野

如果我繼續返工
我係可以賺錢
但係賺完d錢…..又洗晒
但係個假又放完

咪等於白費
我寧願走去學日文

決定左la唔做
開心…唔再煩la

今晚最大topic…係

“身不由己”


“人越大…所用ge時間越少…永遠都覺得唔夠用”


(好似而家咁….已經零晨四點…但係我仲係到打緊野)

“人越大..要諗更加多ge野…18歲…好似變得大個….但係同時要諗ge野…做ge野….唔可以
再好似細個咁..有得”揀”


係乜都無得揀ge情況下…
唯有迫住去做

你話…要識得愛自己
講真…我真係永遠對人好過自己
如果唔識我…會覺得我好似吹出黎

但係對於我認為重要ge人
我願意花任何金錢係佢身上

我會吝嗇自己
但係從來未試過吝嗇別人
除非我個排好窮la

呢四年ge錢…
大部份都使係別人身上

有時買隻cd都要諗好耐先決定買唔買?
但係買禮物從不手軟
(不過好似講出黎做乜?無聊)

你仲話要識得安慰自己…
如果係得…ge
我唔會搵人求救

———————————————————-

夜晚睇完你的日記後
我發現…
你愛得太傻

我唔鍾意呢一刻ge你
一個咁唔清醒ge你


你好似…中左迷毒咁
變左另一個人似的

變得有點可怕

愛係…..可以令人改變
但係…你好似變得有點兒過份

係你身上我學到好多野,睇到好多野
但係…為何?
真係”當局者迷”

雖然我自己都做唔到
但係….你試下行返出黎
以另外一個身份去睇你自己做緊ge野
你會好清晰
睇得好明白

其實每一個人都係到循環不息係到做緊同一樣野
你而家行緊的路
你之前都行過

但係去到第二個位
你又以為自己係新的開始

但係係別人眼中
係一d唔係局裡面的人
睇得好清楚

好多野都係你教我ga
但係…..點解你而家變得咁糊塗

或者…過左呢個階段
你會好d

你問我….我鍾意邊個你?
我揀十次
我都係鍾意以前個個你

—————————————-

其實打得落日記ge人與事
證明你有諗過想過重視過
覺得重要
你先會打落去

但係係你日記中
你無….
我真係覺得好失望ga

但係失望又點?
無用ga

唔同左….就唔同左

係我呢幾年ge真實日記內
所有都係關於你
好似有3分之二都關於你

但係你.而家ge日記中
百分之百日日都關於佢

父親節

June 21, 2004 § Leave a comment

今朝心情…..too bad

但係天氣好得很
一起身俾人激

嬲到震

係因為親情
我變得唔計較
係因為親情
別人如何說我也不在乎

我知你蠢….我知你的性格
你有多野都唔識
我去包容

有些識你的朋友
曾經問我
做乜佢咁樣,你都要幫佢?

係咩原因?
係因為親情

有人話巨蟹座的人
好愛家

但係我想話..
而家我呢隻蟹並唔愛呢個家
要愛…一早已經愛

我曾經將友誼放係第一
人們常把家人放係第一
我做唔到
因為好大壓力
係家中….我好似肩負起好多野
唔係金錢上
係思維上

由細到大…你地兩個..除左讀書情況
你仲會俾d咩我?
物質上的?
我要的….並唔豐富
係足夠的
但係內心..?
有俾嘛?

我返工返得唔開心
你一句話我..情緒化?
一句關心已經夠la

我喊…就有問題?
我要收埋自己
唔敢係你地面前喊
係咩原因?
係因為我每次喊
你地都認為我有問題?
我唔敢大聲喊
我只可以係訓覺時偷偷飲泣

04年…好恐怖
一直以黎我缺乏左愛
當有愛時..
我會將之放係第一位

但係而家連第一位都唔知應該放乜?

我好大壓力
為左你地…我從來唔敢諗去死
為左你地…我會一躍而下

我的壓力
唔係自找ga
呢幾個月…積積埋埋咁多野

有時好似過左就無野
但係…有d 野好似殘留係我身內

我唔愛我的家
但係我會努力維持

今晚
食左一餐有意義的飯
由細到大
我真希望呢個先係我家
坐埋係一台我先感到真係有溫暖
成台野食…都arm我口味
(我對食野咁挑剔,我都可以講有9成arm食,已經好得)

你地至少會關心
連我自己都察覺唔到?
你問我:返工好辛苦呀?做乜瘦左咁多ge?
(你雖然問左一句,但係呢一句已經係一句好好的慰問)
一家人…一句已經得
我內心..別人可能睇唔到
但係原來係我個樣已經話左俾人聽我返工好辛苦
返工..我食的野比起係home 食得更多
卡路理更高
可能我真係壓力太大

做乜會有咁大的對比?

今晚的天氣
係暴雨

我同小丸子係雨中狂奔
感覺好有趣好得意好好笑
未試過咁..

呢個家….我會為左佢….而撐落去
有時放工返到家,希望聽到你把嘈吵的聲
如果唔係會變得好靜

有時都唔知邊個係家姐邊個係細妹?

近排真係好煩…
但係又唔知煩乜?

究竟我應該幾時唔做lei?
但係….為左..你….唔可以唔做
我想做人有信用
應承你的野…係有錢先做得
我慢慢儲…都無可能
唯一可以做就係返工

究竟要捨棄邊樣?
想問自己會唔會為左你…份工繼續挨住先?
到我爬唔返起身?

什錦大餐

June 15, 2004 § Leave a comment

得到別人ge認同係一件

開心

ge事

成日聽到別人無意中ge諷刺…暗示..

幾咁難受

但係…唔知你係咪第一個

不過得到你ge認同係開心

我自己都係到猶豫ge時候

我成日都係到諗係咪有d 古怪lei?

你竟然俾左ge咁ge答案我

開心ga!不過估唔到認同個個係你

最開心係..

你竟然連呢樣都知道

“好似係其他野都比唔上佢?”

y你會知ga?

你睇得到嘛?

你都俾左好多驚喜我la

真係估唔到原來你咁純情

haha~

其實你真係有好多優點ga

我都知你有d缺點

以前自己感覺錯誤

做左一件瘀事(不過你緊係唔知la)

之後忽然有一個念頭係希望可以同你更fd

真係唔知你個心係點諗?

你係一個理想ge類型….

可惜….真係太可惜

係我太被動ge

我自己都唔肯主動d行前多一步

又點會更fd lei?

原來我識左你都幾耐

識你真係緣份(你真係第一個)

我係一隻

…有一個好硬ge殼去保護自己

但係內心真係…好似蟹咁…其實係好軟

好空

除左真係熟悉ge人

如果唔係無人打得開

其實呢樣野..又真係有幾多個知?

識你…我已經打開左一半ge蟹殼

只係無機會去開埋個半

唔好成個主題都講你…

悶呀

haha~

—————————————

今日終於俾我知道左真相

多鬼餘

其實我一早知

我都費時篤爆呀!

其實我可以嬲d乜?

你唔去我真係無你乎

希望你俾我ge消息係好ga la

唔好再俾我對你失望

要嬲一個人好易ga jia

但係我係咪真係要去嬲

就另睇la

其實我想講就係…今年做唔成

下年一定唔會再有機會

之後更加無

你自己諗下la

你ge決定可以睇到d野ga?

你想去維持一段關係你都要做d野ga

睇下你會點樣去取捨

haha~

等待中…唔知失望定係咩lei?

—————————————-

因為實在好多日無打個野la

so….好似今日要打返夠本咁

係你開拍ge個套戲裡面

我已經無得做主角好耐

我而家怕ge係…我連配角都做唔成

我知我叫你講ge野係幾咁無聊

我只係想俾個promise自己(但係我根本已經唔信,真係好矛盾)

想自己開心..真係一d都唔過份

我但求你唔好俾個”臨記”我做得ga la

我可以見到你幾耐lei?

見到你…又點lei?

我要返工….邊有時間?

妨且你都無時間la

我有諗過….不如唔做la

留返多d 時間..但係…唉

唔係錢ge問題

係因為….我驚你根本無時間

我唔做…都只係shine時間

而且我之後真係需要一筆錢…唉

如果幾個月之前

我會日日都好開心咁…去想見你

但係呢一刻ge我…

唔再期待

我都唔知y?

算la~

不過我由前幾日開始

應承左自己

如果我可以戒甩我自己一直ge惡習

你就會成功戒甩你個樣

我真係超級希望你戒甩

我唔想見到一個咁ge你

真係好大決心

我好努力做緊

你唔使向我承諾

但係你要向自己負責

—————————————-

今日14日…

11號個晚個謝師宴

係銅鑼灣富豪半成功地結束

我唔係搞手

但係係我負責搞起

都希望佢成功

最開心ge

係半成功左

個場夠氣派(至少靚過上年個間似酒樓ge酒店)

d野食夠好味(上年d野食真幾嚇人)

最慘係全場氣氛唔夠

d人唔夠投入

全晚得我地幾個係到大嗌

嗌到聲都沙

明星真係好明星

夠晒撐場

haha~

唔係挖苦ga

係真係好掂

我真係覺得幾靚ga?

y好似無乜人認同ge

我妹都話似明星la

之後一行三十幾人

無la la走入維園坐

miss一心諗住”集會”傾計ga?

但係…d人又要趕住走(麻煩)

但係要傾又真係唔知傾乜

其實我真係覺得呢個miss幾好ga

之前係npc讀左咁多年

都係到揀頭三名老師

都有佢份la

佢真係可以同d 學生好close

我第一次見到d miss咁好

而且佢真係盡心盡力去教我地

我地唔掂

又會激動到喊(不過佢真係幾易喊..謝師個到講講下野都想咁…haha莫非真係用水做ge)

係mtr到竟然問左你一條自己都唔知做乜會問ge問題?

如果俾你揀你會再揀做miss嘛?

返學又係學校返工又係學校

唔悶ge咩?

我竟發覺你係猶豫

同埋你都答會重新揀過其他野做

不過你竟然唔覺得d學生麻煩

好野

有時發覺你都唔似miss ge

似學生

上次去唱k

我話佢地掃興唔去唱

你都竟然讚同

個樣仲好似係我同學咁

係lu…真係掃興

haha~

好搞笑

如果升唔到

我估都好難見到….你la

你想我地可以keep返

我相信呢一班ge機會係得10% 可能jia

話晒都有半班repeator

得半年感情jia wor

真係幾難

小熊帽大戰飽魚刷

June 14, 2004 § Leave a comment

今晚好開心

因為…..你玩自爆

haha~

係真ga

仲好多謝你…話….友誼

好勁呀!

好累….之後再打…..

無文化BLL VS 有文化水星人

June 1, 2004 § Leave a comment

今日係五月最後一日…

今晚放工望唔到月光

今日對住d pk…

如果我d粗口可以連殊爆發

今日個條友實死硬

不過我唔似得佢咁無文化

好憎

BLL

….(BIG LAND LEI)

無LALA~扮謙虛….唔要咪唔要LOR

唔使蚊我部機呀

佢再掂多一秒

我實報警

條友激到爭D想掟我

唉~算LA~

無文化始終係無文化

到今日為止我仲未見到一個有文化GE “BLL”

真係仲未見過

佢地GE行為簡直可恥

唔怪得我岐視佢地

聽完你ge訴苦後

真係覺得你好慘

亦覺得你好辛苦

被你感染下….我都…唔太想做

因為真係好無自由

日日返工放工…上網(直至凌晨x點)

起身返工

第二日見到魔鬼老細+恐怖客人

一日對住一個一定會死

今個禮拜無假放

魔鬼老細無人性

我寧可唔要錢

我都要放假

還我自由呀

救命呀

我發誓我一定只做暑假

之後打死都唔想做野

錢對於我黎講…唔太重要

我知無錢生活唔會過得好

但係..我只但求安穩…

查實我都無乜欲望

夠食夠住….已經ok

唉~算la~

同自己講只係做短短ge一個暑假

我相我仲得ge

我而家連見我妹都好似成個禮拜先見到佢一次咁

唉~返工真係無晒時間

魔鬼老細俾我返早la

一日試俾你睇

我應該得ga

某事…………件

最終決定係”no”ga

因為….真係你一句ge說話

“真係未救到人….先浸死自己”

原來我真係無咁ge能力

我都覺得好內疚

成日見到你….好似…見到…..

一個可憐ge身影

好內疚好內疚

但係如果我應承左…

我諗………唔知點???

真係好希望你可以明白我地ge苦況

對唔住. ..真係好對唔住

真係無勇氣開口同你講

好想幫…但係我真係無能力幫

我諗左成兩日….

我都唔想咁

最後

奇怪人……始終都係奇怪人

你搵佢……..你搵我???

haha~

百思不得奇解

好野~

今日睇完本書”難道相愛等於不分開”

幾好睇wor!!!

估唔到呀?

唉~仲之考作文前勁睇小說la

文采都?#124;好d嘛

haha~

我終於明白

一個人對自己幾咁好都好

係唔愛就唔愛

相處左幾耐都好

係唔愛就唔R

我之前一直都唔明白

點解識左短短一個月或一個禮拜GE人

都唔及一個同自己相處左成幾年ge人

點解?#124;咁?

其實俾著係我…

一定唔得

但係事實擺係眼前

都係一個字”

“(即feeling la)

係有feel 就有feel

愛..係可以即刻撻著

我仲未體會得到

但至少我明白到..呢樣野

多謝各方好友力借書俾小女解悶

一向唔睇愛情小說ge人(嫌佢來來去去都係三幅屁)

竟然?#124;話本書好睇

咁呢本書真係可以話好睇ga la

Where Am I?

You are currently viewing the archives for June, 2004 at waterman0808.