種花

August 23, 2004 § Leave a comment

我成日都話付出ge野,得唔到回報
我渴望ge其實一d 都唔多
只需要你地一個滿足,一個笑臉
其實呢d 都係一種回報

尋日睇完少少野
佢話玫瑰(無論任何植物),好難種
但係只要你肯俾心機,肯努力
佢一定會開花俾你睇(回報)
我都渴望我唔係人類
我寧願做花做草
無感情..

悶足兩日…
係因為次次高潮下滑或完結後我都係咁…
去完旅行又係咁
睇完sammi 又係咁
仲之人越大個越難開心
我越來越唔鍾意開心過後的日子
因為相比之下會變得平淡

開心嘛?累嘛?

—————————————————————————

仲有???8日就返學
要識的人都走晒
其實我留唔留係原校又有咩分別?
其實要識新朋友唔難
但係可以玩得埋就好難
我好驚…
唔知返學後會變成點?
我覺得有少少壓力
知道讀d 野會好唔同
而且我係無興趣讀

第一次未返學就感到害怕
但係我知呢個學位得來不易
幫人搵學校
先知原來想讀書都其實唔係一件易事

我怕讀書困難
我怕應付唔黎
我怕同d舊朋友keep 唔到
你地全部都各散東西
(學麻麻話齋,要有幾有緣先可以熟到,先可以fd到,都未keep 到穩固就要分開,
如果唔係因為返學….我地無咁多計可以傾…無咁多時間可以講無聊野)
點解要熟係一件咁難ge事?
一唔見就唔fd ?
咁其實真正可以keep到?最後自己可以擁有ge”真正朋友”
又會有幾多個?
我羨慕你….唔打電話俾人聯絡
d 人都會主動搵你
唉~
唔知呀!
或者我患左”返學前驚恐症”

Advertisements

空=吉

August 23, 2004 § 1 Comment

個心好空呀?
第一次覺得好寂寞
自從你離開後,第一次有呢種感覺

究竟係咪我的愛太多?
我係太過著急去愛人?
我做乜要咁?

我知我唔會得到別人的愛

所以我努力去愛人?
係真係咁樣?

我竟然努力去愛人
但係我連自己都唔懂得愛

我講過我要變得自私
我要懂得愛自己

我都話唔敢再將愛奉獻
但係做乜我而家又好似…….

係咩原因?
當我想愛一個人時
個個人就好似想避左我?
係我太可怖

我都講過愛可以分好多種

點解好似無人明

應該愛人就可以令對方開心
但係當對唔愛時
呢樣野就唔會係一樣好野

之前因為難得
所以珍惜

但係當而家唔再難得
so…
係我俾得太多野
係因為你地擁有太多野
所以唔去珍惜

點解永遠都係咁?
當我努力時
你地討厭我
唔like
之後你地後悔

愛人其實都有錯ga

我想認識新朋友
我明白你所講ge解脫
我都需要解脫

係因為我太….吉
so….
先會發出咁多感覺
我係一個外星人
我唔需要愛
我唔應該學識愛人
外星人係一隻無感情的生物

我太累la
累到連訓ge能力都無

我想救人想幫人
幫我想救ge人

點解我疼愛人的時候
無人疼愛我

我太重視你地
令到我自己好痛苦

累到…..

August 22, 2004 § Leave a comment

仲有幾多日就返學?
未試過有一次咁唔渴望返到學校

尋日ge累
帶到今天
我做左…咁大ge努力
行左咁多日街
尋日終於得到結果
我…..
點解?
無人可以再聽我講秘密la
因為呢d秘密已經關乎係對方身上
我好累
經過呢幾日
同埋尋日
我覺得好累....
唔知做乜覺得成身無力
好無神氣
個腦實晒
好無心機
個心好痛

我唔知做乜?
乜都唔知
我覺得我好努力好努力
好似呢幾個月都未試過咁努力
但係好似最終....

我感受到你的累
我都好累,今日我筋疲力盡
我都撐左好耐

我覺得有好大失望
我想令你盡興難忘!!!
但係.....
算!我好累
我知...

仲有其他野....
仲有其他野我都盡左力ga la
好努力去幫人
但係…..結果…?
唔緊要ga!!!
好努力…或者我會覺得白費
但係…..
唔緊要ga

今日個腦唔屬於我
好累好累

y…對別人咁好?
自己都唔捨得
做乜去到你地身上
我唔介意
我所指唔只係錢
仲有自己付出ge心
對自己都無咁好

呢個真係巨蟹一個特點?
呢個唔會係優點
呢個特點令到巨蟹自己好痛苦

呢個世界或者….
我應該期待晴天

但係太多太多的野令我覺得好失望
或者今日我唔係唔開心
只係好累
好累
累到自己…..講野都唔想講

希望…..大家開開心心
希望..你會醒吾
希望你尋日…玩得唔盡ge地方
佢地可以令你開心返

雙面伊人

August 5, 2004 § Leave a comment

咁多日無寫日記
終於有野寫

無返工之後
寫日記都懶得寫
時間多左竟然無野寫
或者無咁多野想講
又或者唔想將呢個時期的感覺供諸於世

今晚同時俾兩個人鬧
第一個我極力反駁
第二個我唔想反駁

第一個人話我笑臉虎
對住唔同的人
說話方式有唔同
(佢講左n次…)
話我扮野造作
無辜地被人屈
so我極力反駁
直程嗌交
不想接受無聊的批評

第二個人話我對住個個人都一樣
都用同一種方式
又係一個問題???
我無反駁
又係覺得無辜
兩次都係俾人鬧住咁話
第二個好耐都未鬧過我
今晚鬧得咁應
…..(有d 少少回味的feel ge)
其實我做緊你塊鏡
你見到嘛?

其實我想講乜???
我詞不達意

我想講我個腦一片空白
但係我個心好亂

對於兩個不同的鬧法
都只得兩個字….”無奈”

對於第一個話….對住唔同人
有唔同的說話方式
我承認我係
但係人人都係咁
每個人身份都唔同關係唔同
講野當然有分別
但係做乜話我扮野?
話我變臉
眼耳口鼻生係我到
我想點發揮就點發揮
做乜要被你話?
唔公平
再加上種種
我覺得係超級唔公平

對於第二個你話我對住個個都係嬉皮笑臉
話我講野無聊
help~
我真係好想問
請問你識唔識得我?
你識左我幾多年
我份人係點?
無聊係我標記
我唔無聊個個一定唔係我
即使我無聊
有時都係為左俾你地笑一笑
乜咁又有問題?
咁多年都冇問題?
做乜又話我講野有問題?

我….無野好講
你兩個的矛盾指責,相反指責
我覺得好….奇怪

我接受唔到被屈的批評
你唔like 唔代表我要改
呢個係我
我唔需要去迎合你地
我喜歡無聊的我

我有好少的開心
第二個你鬧得精彩
你其實不停係到鬧緊自己~
我都話我係你塊鏡
你做的野等同人地點對你
多謝你答左我…
但係時間長與短呢條問題?
而去選擇去care 誰人?
呢個我唔太認同

有d 野都唔係話係必然
無人話咁擔保
我同你係一世
一年前你話係
我會好開心咁去信
一年後的你去講
我唔會信
係你令我唔相信承諾
係你痴呆
將我地的承諾忘記
都講左今日唔知聽日事
或者你又過多一個月
我地又變做陌路人呢?

我今晚無諗用咁的態度方式去講個幾隻字
而引起你反戰
你care 唔care我?
兩個月前我會好重視
而家呢一刻我唔太重視
因為你都承認左你變左
做乜你今晚又話我….唔arm
係你多次承認wor?

我唔喜歡俾人鬧
你好聲好氣同我講
我的問題
我會接受

但係我真係好想知
y 個個對住我都要咁炆
乜我真係咁好鬧咩?

—————————————————————————–

就黎放榜
心情?????
又係一片空白
個腦?

要煩d乜?
仲有幾多日?仲有七日?

升到無野煩?
升唔到有好多野煩?

升唔到做d 乜?讀d乜?
讀旅遊?讀日文?讀英文?
有錢無錢?有前途無前途?
有興趣?無興趣?

爭幾分?
試升?
中七名義

發個n個夢
升到?又發過
升唔到?又發過?

11號有好多野將會解答
一生的命運?
半生la?
都係到la?

今日plan好晒個日又唔係咁?

諗過14分以下真係唔再讀la
又唔like反工...又唔like 讀書?
想搵其他野又唔知讀乜?
唔係想做廢人?
我都想養家

你地真係俾錢我讀我想讀的野?
暫時應該多謝你地
無係我有少少壓力的時候
迫我去做野
迫我做d 唔想做的野
多謝你地
自力更生計劃?
o no~

人人期望可達到
我的快樂比天高

唔知個日係點lei?

上年真係完全唔care
仲有興奮的感覺?
我見到人地的留言都係話興奮?
但係….我今年興奮唔起?
有壓力
但願我前一晚訓得著~
希望想升個d真係成功
希望我身邊的人個個都做到自己想做的野

Where Am I?

You are currently viewing the archives for August, 2004 at waterman0808.