萬般無奈,自殺白痴

October 23, 2004 § Leave a comment

我每次可以做的野就係等,就係等
或者我一直反對佢咁對你
如果可以我係事實上想佢同你…
我一直都覺得佢對你唔太好
你每一次都係係到受苦
每一次都係喊…喊…喊
但係每一次當你有事時
我係祈求佢唔好對你講咩刺激到你的野
我知你實會做得出…你今日同我講的野

你有好多野都唔知?
我驚你有事
今日不停坐係電腦面前
唔俾我妹郁我部腦
或者我無乜點講野
因為我根本唔知仲可以講d 乜
正如我所講
佢講一句勝過我講千言萬語
見到你咁….我只有萬般無奈
即使你真係做..我都阻止唔到你
我係身係香港..你係個邊
有咩意外…

有好野我真係希望你明
其實你真係比起我身邊好多人同埋我
你係真係好幸福好幸福好幸福
起碼你同你家人關係良好
要乜有乜?
我想轉部手機….我想買部電腦
我想買多件衫…
對於而家ge我黎講
係一d 多餘ge 事
係一件無咩可能ge 事
我指買貴野

係2004年
我所經歷ge野實會比你更慘實會比你煩十萬億倍
但係我從來真係無諗過要死
我係有講過…話辛苦到頂唔順
但係我真係從來無諗過點樣死
點樣了結自己
我知道呢個世界仲有更多更多人比我慘
我知我死左
對我家人…會有幾大影響
你唔好話我堅唔堅強?
我承認自你走左之後
我變得比之前更堅強
係2004年後我都覺得我比一般人更堅強
至少我無一次真係跌低過
我俾推一下….我再企返起身
我再俾人大力撞一下…..我都依然會企返起身
有幾多野你會真係明白?
以前個個我…
咪成日俾你鬧ge
鬧我無用
成日依賴你
話我好懦弱
少少野喊一大餐
你以 前唔係鬧得我好勁ge 咩?
我以前覺得你好堅強ga?
但係而家ge 你lei?

我話你知
讀書…..係個邊?
拍拖..所有野都係你自己揀ga
你明唔明呀?
你無得怨
學你講…讀中六都係我自己揀
所以我得出聲
但係我發生的野全部都唔係我揀ga!
我講多一千一億萬次都係
你比我幸福得多

拍拖唔開心
唔好拍
唔好再諗去死
我記得你同我講過:你要死~我陪你一齊死~唔好留我係度折磨我,我撐唔到!!
呢句野我調返轉頭同你講一次
我一日唔想死
你都唔可以

話你知
我生存都無咩目標ga jai~
我同你一樣
但係我同你一樣都係無資格去死

【人可以活著並不是一件簡單的事(我開始領略到)
都是因為有些人支持著我們,所以才有今天的自己
是因為有某些真正的人正關心自己….】

總之而家無事就最好
如果你一有咩念頭
我有一日搵你唔到
我 就打俾你媽你爸
你唔好做傻事
你唔好令佢地擔心你
你自己就唔好亂諗野

佢時好時唔好
呢d 野無人預到
所以我話
如果你真係覺得佢個時對你好
你就好好珍惜
有d 野我知道錯過左
就會無機會
所以我知當呢樣野就快消失時
我就好好珍惜

你like 聽就聽la!?
講乜都無用ga la!
而家ge 你….根本當我講ge野廢ge
你成日都keep 住話:你話姐

你咁唔信我講野
你唔好同我講

Advertisements

惡夢

October 14, 2004 § Leave a comment

我無力la~
我都需要救助….
我需要你地….

我真係好辛苦

其實經歷過咁多次
EQ高左勁多
或者一次比一次恐怖
但係我每一次都用晒力去適應
但係去到而家呢個地步
我已經無晒力喇!!
每一次支持自己的都係
呢個世界有人比我更慘
我仲可以生存到
唔使無飯食
我已經叫做幸福

但係我個心的痛苦又幾多人明白
有幾多人真係想去理我?

我好想有人可以支持我

我相信今次已經去到最壞
再壞GE..都…唔應該再黎

我個心根本負荷唔到!
我承受左幾大的壓力???
我可以每一日返學扮呆
有人會問你?做乜嗎?

2004完全無休止咁發生
一單比一單嚴重….
我雖然十八歲
講就講大人
但係做乜要我係呢個時刻要過D 咁GE日子??
點解我唔可以正常咁生活
點解要我經歷D咁GE野?

我終於明白我以前的日子叫做幸福

而家我可以做到GE野有幾多?
雖然去到咁GE地步
但係我無諗過咩自KILL
仲有好多野需要我去做

但係無人支持
得我一個
我真係頂唔到…

我真係需要你地

我完全向你地發出SOS
但係….

我要顧及GE野係幾咁多

或者企起你地的立場
我都唔知點樣去安慰..
或者係我貪心…
每次諗到咁
我都會自責
我覺得唔應該…..
煩你地

無左你…
唔會死
有我一日係到
呢個家都唔會有事
對你有無感情
我唔識講…
細個童年陰影???
係因為太耐無一齊住???
係因為大家有一度好強的代溝???
係因為大家都係倔強???
其實我知你辛苦
我有好多野都明
但唔知y 對住你就好炆
係因為你細個…只會鬧只會打
我要保護我自己
我要保護我媽
所以搞到我大個都有d 男仔頭
因為呢個家無一個真正的人可以保護到我地
由細到大都覺得你同我地唔同
你生活左係個 邊咁耐
完全唔明香港的生活方式
你要求皇帝待遇
可惜我唔buy 呢套
從來都唔like 人迫我做野
人地個d…唔會成日叫人去讀書
除左讀書
你唔會識去關心其他野

我相信我係一個有良心的人
我一直以黎都諗過打破大家的誤解
我希望會變好
我唔想好似有都搞到無

我知我有錯
但係呢d 唔係一朝一夕做成
我只有膽心我媽….
我希望你可以減低對我地最大的傷害
如果可以我希望呢件事唔會發生
為左媽..為左家
我可以嘗試去重新….做過一次
但係如果你真係咁做
你呢一世都唔會有呢個機會
你永遠都係一個廢人
你永遠都會俾我地睇唔起
一個不負責任的人

你知嘛?
我之前都對你有信心
你係因為經濟問題
但係後來發覺你又唔多似係
我相信你係一個有良心的人
我用左我最大的賭注
我而家都唔知輸定嬴
但係我希望你可以唔好令我失望….

我夠大個
呢個家無左你
我地幾個依然可以頂落去

你唔願意承擔的野
我會去做

或者我會後悔或者我唔會..
因為有d 野唔係我想係咁ga

唔係普通男女感情問題
而係一個關乎好大的問題

我嘗試過企出黎睇下…
但係我都依然係唔buy
唔接受

我唔知個結果會係點?
但係係我有能力下
我一定會支持落去

水星人來自水星

October 11, 2004 § Leave a comment

他們一開始是一大群死黨,後來漸漸變成三人行,最後兩人墮入情網,另一人傷心離去。戀愛中的人們,通常不會再與死黨聯絡,因此,甚至在他們分手多年後,他們的朋友還是弄不懂,當年到底發生了什甚事

愛情總是無言地迫害著友情

別號《水星人》?
水星人來自水星
地球太多生物
牠認為牠需要一個比地球更大的空間才可容納牠的思維
地球人有感情,有比其他動物多的「人性」

水星人的生命是靠【水】來維持
這些水是牠的為生物品,沒有水牠等於沒生命
水星人出生於地球
而當佢發現地球的【水】被地球人污染的時候
牠逃到第二個星球延續牠僅餘的生命
呢個星球有時只會得佢一個
有時係呢個星球會忽然出現多過佢一個人的水星人
係呢個星球
可以沒有感情
可以將感情放落一個樽到
但係有入少出
放得入個樽到,就好少有機會拎返出黎
因為外星人認為感情對於佢地黎講係奢侈品
佢地唔需要太多
因為當佢地生存係地球的時候
見得比人多比人清晰
水星人無優點
唯一勁ge有:永遠死唔去的力量~不怕死的精神
大起大跌係2004的空間有邊一刻唔係嘗緊呢樣野?
佢可以將呢d 力量hold 住,停留不息係一個位到
係一樣佢自己都估唔到ge野???
水星人飄忽不定,可有可無
水星人擁有牠的星球
水星人擁有牠的生命
水星人擁有扡的不死力量
水星人了解到佢擁有的比其他水星人多…
牠唔應該唔珍惜,唔應該埋怨,唔應該貪心
心境平靜?無野煩?
幾多人恨都恨唔到

或者水星人外表活躍,但內裡係自閉
除左自己的星球
其他的星球佢唔夠膽行多一步
佢雖然唔怕死,但係卻實少左一份勇氣
因為佢知道…佢害怕受傷

水星人一年比一年增歲
思維係上有進步
但係其他可發掘的地方都好似死機地行唔郁
無左小時候擁有的膽量
越大越細膽

水星人的天敵=地球人

隔岸觀火

October 4, 2004 § Leave a comment

我為你感到而難過
因為你一句話
令到我….痛了一痛

人變我改不了
心變我更改不了

我想救你返上岸
我所有出發點都係為左你好
如果你覺得我係煩ge
對唔住我做多了…
但原因都係因為你係我oka

我尋日叫你唔好太care 一個人
你反叫我?????唔好太care…
然後因為你太累,所以…沒有說下去
見到你累,不忍再叫醒你
難得你的回來
我們的交談而只淡淡的淺淺的
而尋晚又忽然被你恨恨的鬧
病..真係會令人變惡?
我原諒你
你並非第一次係咁
..
或者係習慣了

唔係想拿來相比
而係太嬲了,所以不停地重覆著同一句說話

我唔知你個心諗緊乜?
除左佢..你大腦其餘細胞死晒
其他人用心關心你
你看不見
你只會睇見佢ge不關心

係因為我ge不支持?
導致今日咁ge結果

我願意做你的聆聽者
雖然唔及當初的耐性

我唔想你帶著恨意離開

其實再多的嗌交,再多的遠離也阻不到
有好多野都唔只第一次
所以…我又作罷了

我而家只可以企起岸邊望住你
等你清醒

你喜愛你的”酒肉朋友”?
你討厭一個你覺得”煩”的musu

對人太好
也是罪

Where Am I?

You are currently viewing the archives for October, 2004 at waterman0808.