有咩輸唔起?

May 30, 2011 § Leave a comment

 

好想努力重生,好想一改頹氣!真係好想可以真真正正咁鬆一口氣!

之前的PORTFOLIO,排版太過唔掂喇!重新執過一次,用左一排INDESIGN,好似突然真係識用咁!今日個LAYOUT較為滿意!

其實我真係唔知個成數有幾大,真係好想做好,我會好好記住,「我已經跌到落谷底,我無野驚!有咩輸唔起!」能夠有呢個見工機會,唔理對手係咩人,做好自己本份!TRY MY BEST!今日為止,我唔可以好精神,好有氣勢,力量去講呢句野!但係我會用我而家最大的努力去做!即使而家精神狀態未必咁好,但係個日即使做戲都要做好佢!拼死的精神!

個5月就過喇!真係好想可以係6月搵到一份新工!我只想改過!有冇人可以幫下我?神呀!我真係好需要你!我需要你的力量!

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

今日又發癲喇!WE依然無嫌棄我!即使我發晒癲,即使我講埋D令佢唔舒服,唔開心的野!(其實我真係我真係因為某人,其實心已死,只係真係好唔憤氣,好唔憤氣)佢今日一反常態,係咁SAY SORRY!不停話知錯!好古怪!好古怪!佢叫我將工作同感情事分開,但係你知道嘛感情事真係會影響一個人的工作GA!佢叫我積極D,佢鍾意個個我係有自信,積極,開心,樂觀,搞笑的人!唔係而家咁樣!佢叫我為左佢可唔可以努力D!可唔可以?

I KNOW 你可以係無錯!你可以!你可以!但係我想人救的時候!可以將佢扔埋一二邊嘛!

LAST TIME

May 29, 2011 § Leave a comment

星期日,一開眼,WE真係係我隔離,尋晚唔係發夢!尋晚臨訓前,又係咁好唔捨得咁望住佢,每一次都唔捨得訓覺!今次個腦由中六第一次見佢,第一次攬住佢,錫佢,佢係生日時係船上偷錫我,係北角瘋狂的錫,瘋狂的唔捨得走!每一個星期六落去接佢上黎我到!個一條路!我有一次病到死死下,依稀記得佢拎住個生菜上黎,我病,但係佢喊得好肉緊,好緊張,緊張到好似我就快死咁!記憶將近要模糊喇!以前係富華閣,究竟係點GE呢?

同以往一樣,懶洋洋的起身,好想攬佢耐D,點解一起身,佢個人又開始急,又急住離開鋪床,點解唔可以好好享受呢個難得的機會,點解一早就要清醒?點解甜蜜的事只可以夜晚發生?唔可以好似之前咁,鼻貼鼻好SWEET咁嘛?!仲記得佢好鍾意好似一隻貓咁,不停係隻腳到係咁“典”黎“典”去!好鍾意捐入腳與腳之間的窿到!好鍾意抖長手,摸對方的PAT PAT!次次都係佢摸到,我摸唔到!有時佢會好似BB咁,成日係到玩個咀!真係好得意!

佢又要我擦牙先!(個懶鬼,無一次唔係咁)!

但之後就要PREPARE 見工的INTERVIEW,好想依賴佢,好想佢幫我,但係佢而家成日都好似表現到好唔上心,好唔想理咁!其實唔係要求D乜!只係想佢緊張的眼神!為左呢樣野!嗌左交!不過佢好強調佢即使肚餓都無LUR我出去食野!佢係真係有心幫我!

今日真係好驚係最後一次!佢究竟會唔會係最後一次上黎呢個家?假如我係男仔,佢可能已經同我同居!所有野今日又會變成點?可能日日夜夜為左我無野做而嗌交?假如我可以擁有佢一世,我真係乜都肯做!

我地食完大快活,出左旺角!我知道出去行街,只要佢買到野,佢就會開心返!每一次去到電梯,佢就會好似隻動物咁痴住我!我知佢係唔捨得!

但係我真係唔想佢就咁就走左!佢不停重覆話,唔會唔理我!我同佢都真係唔知點!?要放低?要解決?係應該點做?

 

 

極限

May 28, 2011 § Leave a comment

突然間覺得自己真係好可憐!好寂寞!
可以悶到想喊!真係好想喊!
唔想再一個人周圍行喇!點解我會咁悶,點解而家生活變得咁乏味!點解我會成為一個悶人?真係好辛苦!

星期六,我悶左成日,諗左準備interview d野!但又!we話想我聽佢呻!所以提早左少少過九龍灣!但一知道又要自己係到磨!真係突然好想喊!

打電話俾we,即使打唔通都無問題喇!原來只係搵一個電話!!當完完全全連想搵一個人的機會都無事,真係好炆好激氣!或者其實無野講,只係好掛住佢!或者只係想聽下佢把聲!

等姥姥收工後,我地癲癲地去左爭鮮,食左9碟SUSHI(大多係三文魚)~~~再JOIN WE 同 WINSO 係麥記傾計!唔知點解,我無乜野特別想講,或者係我已經習慣唔想開口。WE用歧視的眼光望住我,話我只係聽唔講,好古怪!可唔可以唔好歧視我?!我唔係異類,只係唔開心,只係講生活太苦悶JIA,點解你唔明,唔關心,仲將我講到好似怪獸咁?

係佢黎之前,我問佢可唔可以過黎我到,佢話都可以,因為佢都掛住我,當我地2個係M記排隊買野食時,佢真係攬住我,話真係好掛住我!!!我好開心!

但係之後惡夢就黎喇!散BAND後,WE同姥姥行得好慢好慢咁返去!WE亦都無橋住我,我心想佢應該唔黎喇!我望住佢背影,好失望,好失落咁,好想發脾氣扔爛手上隻可樂杯!我個腦一片空白,我內心好痛苦,我想你親自過黎安慰我!只係想咁!只係想求救!我忍左好耐喇!真係忍左好耐喇!

一個人唔情願咁行去MTR,好想歇斯底里地大喊,好想大叫,最終係九龍灣外面(WE上次因為章魚事件而企的地方)企起到!忍唔住打俾WE!叫佢唔好搵我!之後我收線!

佢事後聲稱佢好攰,好習以為常咁同姥姥返返上去,唔記得左,佢話當我打俾佢,佢先記得!(OH MY GOD!我真係癲,甚麼唔記得?乜你可以掛住一個人時,可以唔記得。當你好想去倚靠一個人時,你會話唔記得?)我….心裂開,我….崩潰喇!真係歇斯底里地大喊!!!無得救喇!再見喇!望住樓下的馬路,真係好有衝動跳落去!我問自己點解自己活得咁辛苦?點解而家搞到一塌糊塗!?跳左落去就一了百了!佢一定會好開心!

佢等姥姥走左後,佢話佢而家即時衝返落黎,我心死,唔想再同佢講任何野,甚或見到佢!佢最終係我最唔開心時,佢真係決定返屋企!佢….又話會落黎GE?佢又返返落黎GE?最終佢返到屋企,我再打俾佢,佢又同我拗,佢話要落黎叫我等佢(佢明明都返左屋企)!如果佢有心,點解唔第一次就返落黎?點解????要搞到咁樣!?點解咁都會係我的問題?(我知佢攰,所以佢發晦氣!)佢最終聽到我喊成咁!佢真係落左黎,佢真係衝左落黎,明明佢係屋企,係佢趕落黎之際,佢跌親,拗親隻腳!我…好內疚!好嬲!?點解要搞成咁?(究竟係咪我一個人的問題,只係我一個人想佢陪我,令佢受傷?)

最終佢都過左黎我到!(心裡面知道呢個可能係最後一次喇!我好想解決問題,好想好好傾下,好想佢救救我!)跛住跛住咁行返入去!黎到,沖完涼,同以往一樣,SETTLE晒!坐係床到講左一陣,但係從佢的眼神我知道佢唔明白我內心的痛!佢對我的喊!已經習以為常!或者佢聽到我喊,跟本就好似係D BB喊聲咁!習慣左!又或者即使佢知我唔開心,但係我知佢都係要堅持行!因為佢已經好努力行左!佢真係鍾意左佢!佢可以離我而去!

佢講左喇!佢講清楚喇!佢多次強調俾我知,佢係身不由己,迫不得已!佢唔想架!佢唔想搞成今日咁!因為我,所以只限傾電話,SMS,出街,唔夠膽DEVELOP落去(乜咁都仲唔夠?)!佢想DEVELOP D乜野?…..佢…..

我知道人類係自私架!係呢個MOMENT,佢想自私,但係佢過唔到自己個關!佢以為佢做對我最低的傷害,可以只係輕微的自私!呢個MOMENT,我自私,我若然夠偉大,我應該放佢走!而唔應該留住佢!

我眼淚不停咁流!我只係想佢安慰我JIA!只係想咁JIA!點解見到一個人喊,你唔氹佢GE?點解???最終無答案!又或者都係個個答案,佢自己認為佢真係解決左問題!只係我仲未承認解決問題!

依然都係^3^!只有都關埋門,所有野先可以顯露所有的愛!唔係唔愛!而係我地的愛係隱藏性的!佢再一次強調,如果唔愛,佢唔會過黎,佢唔會錫得落!望住佢,好想記住佢係到的感覺!好想記住佢的BB 味!好想永遠都可以攬住佢!好想佢永遠都唔屬於任何人!好想我可以解決我自己!我知佢一定會開心!

 

塔羅真可怕

May 27, 2011 § Leave a comment

PURE個到要SEC IN,其實都預左佢係HEA見,所以我乜都無準備,(我心諗PART TIME都要SECOND IN唔係喇化!)點知佢真係HEA見,見左20秒都唔知有冇?(我內心當然係希望可以搵份FULL TIME,佢仲問我係之後5DAYS仲會唔會返星期六日,其實如果真係有5DAYS,我點會仲想返。但係難得佢咁都肯就我,唉!雖然知其他公司未必請,但係….真係要到時先算。(佢約我11點,但我又神經質較左9點起身,不過由7:00開始逐個鐘醒,驚MISS左。)

朱今日突然係我迷路中問我有冇興趣做佢間公司,(事實上搵唔到工下,都有機會可能會試,但係….興趣真係唔大,真係好怕無得收工的工呀!)真係要努力METRO POP!!!(依然覺得機會渺汒)

見完都唔知有冇2個字,之後就展開我遊蕩之旅,(假如無帶相機,我一定唔會遊走咁耐)由唔知幾時開始,已經可以完完全全習慣自己一個人的長HEA,可以好無聊好無聊咁周圍行,真係可以漫無目的,毫無計劃咁行去邊就行去邊。腦內係一片空白,平時都只限係觀塘咁樣做,但係今日去左中環,就周圍行下,我好勁,由中環行到上環(西港城)再行返中環(1個人去左筷子記到食),再上半山(動植物公園),爭D去埋薄扶林,再去銅鑼灣,旺角!(我真係估唔到我可以行左6個鐘,真係好癲!)事實上,我唔鍾意咁,但係人多時間,就可以無聊成咁。相信呢D日子唔會再有,因為希望之後可以唔再咁無聊。

係中環不停搵野影,(雖然上左影相堂,但係,我的構圖一直都無跳出自己的框框,一直都突破唔到;而影相係唯一我可以孜孜不倦去做的一件事,應該係唯一一樣野可以咁,其他我都係會GIVE UP!即使睇書,都係鍾意想買個種感覺,而事實買左返去係唔會睇)呢排影相,都係1日狂影過百張,但係最終只有1,2張滿意。真係好可憐!

今日對腳不停好努力咁行,但係個人真係喪喪地,可以明知有倦意,好熱,但係死都要不停向上行,明知唔知自己去緊邊,都係不停行行行。點知出事喇!搭左個格聲稱全世界最長的登山電梯(心內以為曾經去過呢到,最終應該係去左香港公園,但係唔係),就係個到出事喇!不停上上上,但係唔知可以上到邊。死唔肯停!其實真係唔知會行去邊!點知行左好耐,去左一個深山的地方,明知有D怯,都唔知點解癲左咁不停向上行!上到一條好斜好斜的路!斜到真係搵唔到出路,先肯死返落去!個一刻真係知道自己迷左路!心騰一騰!勁想大嗌救命!最終因為唔甘心行左咁高,又知香港動植物公園就係附近,所以最終都行左!其實都唔知幾多歲(好似幼稚園)去過呢到,應該有20年無黎過喇!!都明知無野睇!最終都真係只有好多真係奇珍異獸,怪馬騮,怪雞,怪鳥!如果唔係行錯路SHINE左1 HR,或者唔可以HEA咁耐!

THEN去鑼灣去宜家買燈膽後,去MK JOIN KAYI!其實每一次都可以同佢有好多野講,但奇怪地,有時2個人一齊時又可以無野好講!究竟發生咩事?(係當時諗唔到話題?定話事,我已經習慣無內容的傾計!而家悶到有時唔想再同其他人溝通!因為好似好無內容!人地已經無興趣聽!又或者係我已經懶得講野)連對住WE我都係咁!講講下自己會無癮!「算喇!唔講喇!你訓喇!」(呢樣應該係一個心理問題)

KAYI介紹一間泰國野食,麥仔未黎前,其實無同KAYI傾過任何野,佢地又掛住睇電視!不過搞笑地係KAYI同麥仔 剪左同一個「陰」。又係直頭髮同埋粗框眼鏡!真係好似TWINS!

THEN 移師去左麥記,KAYI特登帶左塔羅黎幫麥仔占!麥仔成晚都係講佢同佢男友的事,事實上真的好乏味!….唔知點解有時真係好想停佢,好無耐性咁唔想聽落去!!!但係我都好努力去聽佢講!(但係事後,我同KAYI講返,其實我地2個都唔睇好佢同佢男友的事,根本係無藥可救,一段極唔健康的愛情。(甚至只係感情,無愛可言)大家都想去改變對方符合自己內心的標準,事實上,真正的感情唔會係要改變對方,當你愛一個人時,佢的缺點,都會當成優點;加上個個男仔,我不嬲都有偏見,成個小孩咁,2個好似小朋友愛戀咁!根本連成熟的程度都無!真係唔知點解真係好炆好炆!KAYI同佢玩塔羅時,我差唔多而家洗晒腦,都唔記得講左D咩?

THEN我叫KAYI叫我占,事實上,我本身係唔信得/唔信塔羅,覺得係D人吹噓扭曲而變成某種說法!另外,都好驚人地係張牌睇到內心的秘密!但係自從FLORA係學校,玩完後,真係深深洛印左係身同心。KAYI只係叫我抽3張牌,佢就抽1張睇我心態。(麥仔抽左7張,因為KAYI諗住我無咩特別野問,所以咁HEA咁玩)

當佢好謹慎睇完後,解說後,我真係覺得,我不得不信!因為KAYI 根本唔知所有事的來龍去脈,而且係一個根本無人知的故事。

佢話「佢話我而家係好恨拍拖(心態牌),你而家應該係拍緊拖,而呢段感情仲要好深好深,拍左好多年,同埋個個人同我超夾,好FIT大家,大家係真心付出的愛(好難得),而且係互相好鍾意大家(我抽左一張LOVERS 牌)〔佢打死都唔信我無拍拖,因為佢從牌睇到〕;但係呢段關係係被審判的,有可能係不被允許的愛情,(因為牌的解說係,夏娃同阿當係因為食左禁果而不被認同……)同而而家就係出現第三者去介入;我對愛情的睇法係會好專注,只會睇到愛情的野,會忽略身邊的野,身邊的野我會一樣都睇我的愛係泛濫的,如果繼續專注落去,你會忽略所有的野,即使有新的野你都唔會睇到;而且你繼續行落去,只會得你一個放唔低段感情;之後再抽多2張牌,佢話睇下對方的諗法,呢張牌先係令我驚訝的,佢話對方已經做左行動,佢唔係唔想繼續發展呢段關係,但係佢而家的決定唔係單憑佢個人可以控制得到,佢今日的決定都係迫不得已,身不由己。而且佢睇到,WE係一個好逃避的人!(佢叫我死心);我問佢我之後有冇機會有,佢話都有機會架,不過呢個機會只限係同你有共同目標,有共同睇法的人到,好大機會係工作上的PARTNER!佢堅決話朋友約出黎個D好少可能WOR!HAHA!THX 佢俾希望我呀!

佢話其實我要改變自己諗法,如果一拍就想拍到最後,其實係好可怕的事!再加上我對感情咁泛濫的愛,咁專注的愛!你好難去搵一個同你有一樣諗法的人!而且會阻礙我去識人!最終諗法:放下,帶返副眼鏡,睇清身邊的人,唔好封鎖自己!

本身仲有野想問落去!但係俾個痴線佬嚇到我地即閃!有個變態佬無喇喇係到勁索/聞D櫈!摸下,又聞下!嚇到周圍D人癲!最終我地都俾佢嚇走埋!不過個時已經12:00!

事實上,我個腦好早之前已經塞左,好耐無再思考過,成日都無諗過真正需要D乜?或者真係用心思考過任何的一個問題!好似我今日行錯路的感覺咁。我真係好努力好努力爬上去!但係…….既努力都好,都係無結果,今晚睇到,我知我繼續傻落去!繼續執迷咁愛佢!唔肯放低!最終跌傷,留晒血個個係自己!就係因為跌到留晒血!傷到無可再傷!跌完又跌!佢知道我痛!但係….佢會繼續行佢的路!

其實有時覺得真係已經好少搵WE!(我亦都知道佢都唔得閒記得我)再加上,佢已經有左佢的陪!有咩事都搵佢!(自己一個人真係好寂寞,好難過,見到佢咁開心,有咩事個個人都知)!我的執迷只會令我痛苦!

重要的一句:你已經去到最低,你仲有咩怕輸,你驚咩?無野再輸唔起!

驚喜INTERVIEW機會

May 26, 2011 § Leave a comment

每日都好想10點前起身,但係尋日玩相機玩得太勁喇!攰到又唔想起!

今日好意外地收到METRO POP「METRO係我繼UMAG後第二本鍾意的雜誌。」打黎叫我去INTERVIEW,我真係好估唔到(雖然知道機會好渺汒),因為佢其實係JOBSDB個AD到寫明要2年經驗,我個日真係SEND 完俾東灜遊之後,順便SEND 埋過去GA JIA!

ANYWAY!終於有份工我係收到見工的電話而想去見!!終於有搵到第一份工個種興奮感,仲超級緊張。開心到係好似真係請左咁!勁想大叫!但係冷靜後又覺得自己其實唔係好叻INDESIGN!開始又擔心!機會真係留俾有準備的人架。點解我放假時,唔好好咁練下INDESIGN呢!?唉!

緊張到,收左線後,即刻衝出去怱怱食完個LUNCH就去圖書館搵INDESIGN的書!點知得1本!

返到屋企就試返INDESIGN,但係真係唔太熟!!!又打沉自己了!不過真係覺得機會難得,好想好想做!所以即刻打去PURE個到,叫佢星期三後先俾我返工。唔想影響見工的準備。又CANCLE左Y.E.S.個兒童實務COURSE。諗定自己有咩可以準備!?真係好緊張!!

原來不知不覺坐左2個月係屋企喇!真係太漫長喇!假如都都仲係未搵到都唔知點算?!!!

小寶寶夜晚好乖呀!無啦啦!又係到搞笑!係咁講肥寶寶去咬肥寶寶!又話咩飄入我個夢到咬我!(我知道佢無心機的話,佢唔會可以講到D咁的野)真係好想一直係咁樣落去!簡簡單單的無聊已經可以好開心喇!我真係好掛住好掛住佢!我好想可以攬住佢訓覺呀!好掛住好掛住佢!因為咁的原因,我而家唔攬住D野真係訓唔著!成日都覺得好似好耐無見過佢咁~

其實佢同左第2個人一齊!我仲咁樣係咪只會令自己更加放唔低?我唔敢諗其他野喇!!!!

親愛的天父,請你真係幫幫我!我真係唔抵爭!但係我真係好想你再一次將平安喜悅善良帶到係我心內。我會做,我能夠做到的事!神呀!我真係好需要你!我學會了!我明白到你教我珍惜2字,你教會我要學識忍耐!我願意改變!請你繼續支持我!

夢境

May 26, 2011 § Leave a comment

 

 

 

 

 

 

前晚發左夢,又夢見sammi,次次都係想同佢影相!次次都係終完影到合照,開心到好似達成夢想!一樣想做左好耐而最終完成的事。就紥醒!先至發現每一次都係假的!每一次都希望係真係影左,但每一次都會醒,都會極度失望!
呢個夢真係發左不下十次,係唔同的年紀都發過咁的夢!

Pure love

May 25, 2011 § Leave a comment

唔知點解每一晚都要發神經!唔知點解放唔唔低個心魔?

但係即使我點發癲!點鬧!小寶都會繼續支持我!繼續幫我!我知這些不是必然!這些係真正的愛!!我相信全世界得佢一個會咁對我!

我每一日都好掛住佢!我知當佢完全去晒個邊!假如佢再唔理我!我真係唔知點?

佢已經有左第二個!我仲可以點?如果你真係鍾意佢,你就繼續鍾意佢!唔好理咩原因,只要鍾意就唔好放棄!-by ID精英

我知我頹左太耐喇!我真係好想企起身!個天好似想我慢慢適應返!隔左好耐pure個邊!終於有d聲氣!

今日去左見工!咁大個女,第一次入半島竟然係見工!咁耐以黎,終於見工!

好似人地會所個d感覺!真係好簡單做個interview 用英文介紹自己!係咁問我有冇咩問題?!係呀!定係我又太糊塗呢?只係想返工,乜都照殺!?

其實諗返起,我放唔低都好正常,話晒拍左6年拖!而家真係俾飛!心結未解,唔係好正常咩?正常人都頹架嘛?唔係咩?

只不過失戀失業一齊黎jia!唉!
無左we我就要自己一個人!

見完工,一條友去左九龍公園影相,試下venus朋友枝marco鏡!新玩具唔錯!
游游走走都行左2,3個鐘!當人無聊時!真係可以咁!又同樣咁講當你真係鍾意心一樣野時!真係可以忘記時間!
由尖咀行左過佐敦!又失神地漫無目的咁,不知不覺,去左we公司樓下!
真係好掛住佢!只要係佢附近都好似同佢近左咁!

今日最後一堂影相堂!完全唔想同gi講野!佢解釋左個日點解無打俾我!anyway解釋都無用了!不過今日睇返d相!個日應該影得唔好!唉!由佢!

今日心情都不太好!唔知點解?
最後一堂,其實都無學d乜!?

無啦啦我同gi變左同一類人,好似毒女!佢唔會主動同其他人溝通!而我可能因為心情唔好又或覺得佢地成日評女而唔想同佢地溝通?

其實要搵過你真係願意主動同佢傾計而真係啱咀型的人真係好難!

終於完了!確實學到野!good choice for the course!

Where Am I?

You are currently viewing the archives for May, 2011 at waterman0808.