執著

June 26, 2011 § Leave a comment

尋日同左小寶去左葵芳同銅鑼灣行街!
可惜佢一見到我又唉聲嘆氣!
雖然一星期見一日好難得,但一見到佢咁,真係好難受!未見過佢一見到我,就覺得好痛苦!

佢心情好差,我諗住今日可以靜靜咁傾下!可惜我只有聽到更多我唔想聽的事實!佢確實係中左毒!我想知真話但同時接受唔到咁樣!

佢更灰到覺得永遠都唔可以解決呢件事!無論係咩人都好!

我覺得雖然佢今日依然係到!但佢見到我是一件痛苦的事,係一個包伏,煩
人!見到佢不滿的表情,我比死更難受!

我好想放手,但真係唔想個個人可以永遠得到佢!我地的執著令到大家都好痛苦!何必呢?呢一刻無論我幾唔想相信、接受都好!我知都唔可以再扮睇唔到,無了期咁拖落去!但我呢一刻真係好需要有一個人係我身邊!我唔想佢投入更多落去!

因為大家的自私,佢希望我可以同佢共存!兩全其美;我希望佢唔好同佢一齊,永遠都愛我一個!

我知係無可能!佢的世界唔同左,佢有同事,家人,愛人,朋友,事業!好圓滿!而我就好似無左佢無左生活核心!令我見唔到其他野!

大家的睇法好大對比,佢覺得即使佢一齊,佢都會理我,我地係唔會變!
但我角度係,我唔可以容忍佢愛上其他人時又愛我!咁我仲要佢黎做乜?好可怕!

佢覺得我根本無選擇俾佢,而我地亦唔會解決到問題!因為佢覺得,佢揀左佢我就如同絕交!但佢唔可以無左我,所以一直無走!

佢今日又再一次清醒,我地2個對於感情事都有好相似的做法,就係逃避,唔想去面對就繼續拖!但佢今日真係好想去佢到,以致我感覺到佢的不存在!佢的谷住谷住,想愛但又不能行動!佢好炆好易發嬲!

我都想解決,但我真的唔想分!難道佢同左佢一齊仲會愛我嘛?有咁天大的笑話嘛?

我都好想永遠都有佢的愛,但無可能!1年前都無咁的事發生,1年後,就已經變晒質!

的而且確,佢今日係仲愛我,以致我唔俾佢地見,佢都有做!佢唔想我傷心,做左好多野,只不過我而家的情緒!佢唔會做更多!

有邊個可以咁偉大!我相信得佢一個!

好想解決,好想放低!但自己又唔肯放手!執著得令人痛苦!

傾電話又傾唔到,成日都訓覺,或見唔到而講唔到!所以我陪佢追九龍灣再送佢返家。

每一次我都當係最後一次!但最終寶話唔希望我唔開心,(即使我知佢好想解決)佢都話唔好理住!

夜晚講電話,我話我會解決,但又係當我講左一大輪野時,我話既然你咁想解決,你就解,我聽日打去返shift的工時,以後就唔使見,又可以迫住解決問題!佢話唔知講咩好就收線!(佢係全程喊得好慘但無講一句野)我好心痛!好愕然!點解佢可以咁!

收線後,我再打一次俾佢,俾佢聽到我幾無奈!但佢竟再收多一次!

我…崩潰了

佢最後話係誤會先會收線,佢並唔知返工等於無得見!佢話寧願幫我搵工,都唔可以無得見!

幻覺

June 24, 2011 § Leave a comment

尋晚又突然間失控!是情緒病嘛?
我知we今日真係好開心!因有好多同事同佢farewell!

要佢受我奇怪的情緒失控,我都知好過份!明明自己心情咁好!又要俾人煩住!我自己都覺得好討厭!

呢一晚佢都表現左佢的不耐煩!而佢都無否認我煩呢樣野!我都知佢真係忍左好耐!要身邊的人難受,我都覺得好辛苦!

佢都好討厭我喊!佢話喊係解決唔到問題!佢的不耐煩直至佢鬧我,即使搵到工我的問題都唔會解決!

事實上我只係需要佢安慰我!

今晚等佢收工,由7:30等到9:00!而家的時間唔值錢!而且習慣左等!佢今日係百樂最後一日,見到佢話唔可以同某d人影相而想喊!

今朝佢又話俾我聽又有人約佢食飯!佢尋日唔係sebd左個好感人的nsg俾我話會推左佢!做咩今日又會想約?或者前日㡳火我諗多左,個個難得的msg!係我get錯左!

佢今日發炆憎話佢根本無可能同佢一齊!因為我!;本身推左佢食飯,因為聽到佢呢句,佢又開左重重的一槍俾我!玩完!我叫佢唔好約我,你同佢食!佢竟話聽日再約我!(佢個心點都係想見佢)再一槍!

佢…竟然咁!我好難過!真係好想死!
夜晚同佢食飯,等位時,佢竟然乘機行開左!話要新開的食店(佢呢個動作好奇怪)因為有位,我行過去搵佢,佢竟拎住電話又再,check msg!(我希望係我多心)但即使唔係佢的說話已經表明左佢的諗法!

不如結束啦!做咩俾個假希望我!做咩又係咁?
佢既然咁愛佢!唔好搵我!

我真係好想死!當我以為仲有希望時,佢又話我知,唔係真!

諗住再無感覺了!以為自己成功了!佢又話俾我知我好重要!一個死左的人被人重視,係一個希望!但一次又一次失望了!

我真係覺得如果我死左,可以解決問題!我願意一死!
我內心真係好痛苦!

今晚望住佢,佢好似係一個夢境!幻覺!

不如解決佢喇!唔好再拖了!

係你太好人jia!唔好再同情我喇!

跌倒

June 23, 2011 § Leave a comment

究竟點樣先可以改變我的人生?人人都行左一大步?我仲企起到做咩野?

我好感動身邊的人一直都支持自己。WE今日更SEND 左一段SMS黎,話佢唔會扔低我。

「寶,對不起,我並不是想嗌交,你我心裡都十分掙扎矛盾,我知道大家都很痛苦,我並不是想傷害你,我真的很珍惜我們之間的一切,你說得對,難道要你一輩子站在我身旁,看著我和其他一起嗎?我真的不知道應該怎樣做?但是我不會放棄你,不會拋下你!我知道你都一樣。」

一句不會放棄我,已經足以感動我了。是很有力的說話。

而家我真係好需要有人係自己身邊。我好需要有人支持自己。我勉強爬起身。我知我依賴別人。

我係想係今次一跌學識成長。我想改變!

奇蹟

June 22, 2011 § Leave a comment

原本今日同meluso一起去海洋公園湊細路,但3號風球取消左!本身都幾期待!咁又hea左一日!當一個人對未來無希望時,真係會無動力做任何野!真係好頹廢!

3號風下約左姥今日去旺角搞yes會員登記!再陪佢去買去旅行用品!

We被接走,我今日都想去接we!會因為風球而擔心佢!唉!

呢一晚又知道多左佢諗乜野!事實上佢真係中晒個個人毒!佢話佢識睇人係真心定假意!我話佢扮豪個d係因為佢本身係二世祖!

我好嬲,你既然咁中毒,你留我係身邊做咩?我真係好嬲收左佢線!

佢喊住咁講佢「唔可以無左我!」即使無左佢都可以(呢個時間去到咁的地步?)
佢話唔係錢,我無錢佢都依然好愛我,即使今日都好愛,佢話我唔同!我對佢好好,係全世界最好!(我話自已經係一堆爛泥,佢鍾意的我已經死左)佢話我好叻!(佢好耐無喊,佢真係因為驚無左我而咁緊張)

我突然覺得佢好似結婚誓詞咁,無論發生咩事,生老病死,個人有幾唔同,佢都盲目去愛!

佢今日講的說話,所喊所講,都真係令我吃驚!好似發夢先會見到的情境出現左!呢個世界真係有奇蹟?

今日連我自己都唔鍾意自己時,佢仲竟然死心塌地咁愛我!我值嘛?

我擔心佢唔要我,多過我唔要佢!佢而家乜都有!要我做咩?

我明白佢的痛苦,我明佢的掙扎!佢的迫不得已!只係我從來無諗過,會有人咁愛我?真正的愛!佢的愛真係好偉大!相信今世我都唔會搵到個咁的人!

佢為左唔我唔開心,即使無食飯都唔同佢食!只怕我嬲!

佢咁樣真係如何可以放低?

我之前傻瓜咁諗,好想佢應承我!假如有來生,可以同我一齊嘛?可以一樣咁愛我嘛?

同塔羅個張牌一樣,佢係真心真意,好愛好愛我!

今日我明白因為佢緊張我!我先可以咁!!佢先會聽我講,先會發炆!

Ps 表姐話,唔使後悔自己的決定!無人會做啱所有的決定!

每一個挫折都有佢的意義!

係你跌下時,唔止你一個,身邊仲有好多人陪我一齊行,朋友家人同神!

June 21, 2011 § Leave a comment

又無做過乜野!有萬千個懶的藉口!有無數的脾氣!!!唉!

不過相比起之前,明顯無咁頹!每日都俾新希望自己!人人都擔心!所有的問候,反成壓力!我比起所有旁觀者更加心急!

難得小寶每日仲肯打電話俾我!!聽到佢仲不停叫「波波仔」,知道佢係掛住我!我相信如果我真係一個男仔,我真係會搵㝫捐,唔想俾佢見到咁頹的一面!每日小寶的來電,係我生存的來源!真係救命鐘!

我真係好擔心,我只知再係咁落去,我真的會死!

妹pure個到仲請reception,full time!但係做左我之後點算?完全無希望!永遠都係咁!!咁我讀咁耐書為咩?真係無前途架!

扒王父親

June 18, 2011 § Leave a comment

父親節想同阿爸去食餐飯,雖然無工開的日子,無錢,但都想做少少野!整左幅圖俾阿爸!由細到大都唔識表達自己的感覺!習慣阿媽阿爸的無微照顧!無細女症候群!好似要長期痴住阿爸阿媽!

想帶佢地去遠的地方到食,但太遠了,放棄了,一齊搵一個好隱蔽的食肆。真係幾經艱苦!最終去左扒王,見到佢地兩個食得開心就得了!就是這麼簡單!

今晚無趕住返去九龍灣,難得的星期六!最難過we竟然無約佢,我無講佢無問我去邊,如果佢知我係筲箕,佢一定約左佢!不過佢已經好乖真係無約!但有俾佢送返去!

呢晚,佢難得地講左好多好多,雖然都係好似發開口夢式說法!佢話佢真係好想話俾佢地知,佢已經同某某一齊左,到今日為些我都未接受到,她們都叫we唔好同我講咁多佢同佢的野!因為我會成為障礙!

佢每講一句野,最後都會加上我驚你會鬧!嗯!我知我俾左好大壓力佢!以致佢重覆又重覆!

佢難得地,好仔細咁講我之前講過的說話!話咩同佢一齊就話佢以致佢地的關係都好核突!

我話當佢聽到佢鍾意的人,話唔再有感覺時,佢有咩感覺?佢話唔會發生!亦唔會信!其實或者佢對我咁有信心,未必係一件好事?又或者因為佢一直都唔覺得係一個問題!答案係:佢都無感覺了!

今晚佢講左好多,真係好多!但我明白到我只係令佢受怕,佢成日驚講錯野,驚我鬧,佢覺得明明光明正大,又要偷偷摸摸!

佢覺得今日可以講多d野,係因為我無再哭哭鬧鬧!
佢覺得可以清楚咁講!佢第一次覺得自己無做錯事!

佢一聽到我有唔啱聽的事,佢好快咁講對唔住!不停咁講!已經結束了!我死了!我地變成咁!我只能令佢恐懼!唔再健康!我完了!

佢話我地以後一樣會keep住好好!當我否認時,不停話唔會唔會!呢句說話似曾相識!但我唔信…

可以好好嘛?已經變質了!

生活無CONTNET

June 13, 2011 § Leave a comment

日子真的很難過呀!HELP~究竟我幾時先可以搵到工?係我SET到人工太高的問題嘛?為左安穩的日子,再一次去做D無興趣做的野?

今日懶積極咁SET目標叫自己做呢樣做個樣野!至少都要PREPARE INTERVIEW D QUESTION,唔好再坐係到!

究竟我的人生會變成點?3個月後會唔會有出路?

今日心口又突然“倪”悶,好似好難呼吸咁!唉!搞咩呀?WE越黎越早睡覺,我的生活已經悶到無CONTENT可言!

我還要磋砣到幾時呀?

Where Am I?

You are currently viewing the archives for June, 2011 at waterman0808.