改變

July 17, 2011 § Leave a comment

今晚,定尋日?佢好似已經解決了!佢落實了!有左明確的答案!

今晚收線後,佢打返黎,話俾我知佢好掛住我,好唔捨得我,好愛我,好對唔住我!

我腦一片空白!

一時之間感覺到佢決定了!真真正正的放開了!

我……返工後,好似醒了少少!但係有好似未醒晒咁!

我想…改變….想做好人!

但係……我唔捨得而且真係唔想。假如我能夠永遠擁有,我相信我而家係世界上最幸福的人!

今日同姥去左運動,打壁球!THEN去太古影微型展,(迫到死咁影相),之後過左筲箕灣食飯!好多人呢!連屯門姨媽都有去!

原來媽記得我生日呢!今年再無搞生日飯!記得已經是一件好事!

好希望能夠照顧佢地,唔使令佢地再擔心!

﹣﹣﹣﹣﹣﹣﹣﹣﹣﹣﹣﹣﹣﹣﹣

返左工一個禮拜了,其實都真係鍾意個工作性質,而且能夠ON TIME收工!希望之後都可以咁!

好想做好佢!即使呢到係幾咁無前途!我感恩,工作時間,地點都好好!能夠做自己喜歡的事!真的是一件好事!

希望自己能夠忍受!你要加油!

 

我都有左決定,我要豁出去!

Advertisements

上電視呀!

July 11, 2011 § Leave a comment

7月7日,我唔想再坐係到,所以去左博覽會,睇下有冇D咩野可以親自去見!點知就係咁出事喇!上左《東張西望》,被吳幸美訪問左(查實我當時係諗緊乜?點解可以俾佢訪問架?)俾香港萬千的觀眾見到我白痴地搵工!瘀爆!

一朝早起身諗住11:00去到荃灣CITY WALK,點知等左半粒鐘都無車!又點知因為個白痴司機一個白痴的決定,而將部車泊左係路邊!又浪費左D時間!(好彩我唔趕JIA)

去到博覽會,真係無耐!無野見!去搵工的,都係F。7仔,佢地係諗住搵D SALES的PART TIME做住!但係就係我填FORM個一剎那被訪了!吳幸美問我而家青少年搵工係咪好難,我話係呀!可能係最低工資喇!佢地好希望請個有經驗的人!之後又叫我扮同吳幸美睇PORTFOLIO!我又TRY去同佢講下野!(都唔知點解咁唔驚)

THEN,是日下午,去左CLAUDIA 介紹的 MULTIMEDIA公司見工(事實上,我對呢間公司好有好感,但係我知自己唔識MUTIMEDIA的野)未見前,CLAUDIA都好好,講清楚話我知係做D咩,都講左2次!

2個男人分別黎見我,都幾NICE(明知我乜都唔識,都話有其他OFFER會請,好過上次METRO POP個2條賤女人,一聽話無經驗,即黑面)我見完都知無行架喇!

我真係諗,無DESIGN工,就去做銀行,賺錢的工!唔要咁辛苦!

 

7月57月5日,第25個年頭!

July 11, 2011 § Leave a comment

7月5日,第25個年頭!(真係話大唔大,話小唔小)(佢地話我多年黎,難得1年可以係HK過生日,上一年的同1日,我係台灣放緊天燈﹣仲寫住陳XX心想事成)

前2日突然諗到入迪迪尼(因為唔知可以去邊,THEN膽粗粗咁打俾DENISE,問佢可唔可以帶我入去,點知又OK,最離奇的係,MELUSO特登請半日假陪我,而且佢仲有全年迪迪尼入場證)都真係幾天意!

所以呢1年的生日的一朝早(今日天氣好好,而且爆熱,我真係懷疑,究竟係咪我年年的生日都咁陽光普照?)10:30就入到迪迪尼搵DENISE!自己一個人拎住相機遊遊逛逛咁影相,仲坐左一直唔會坐的小火車!自己一個去左玩巴斯光年(之前成日都掛住影相,同埋又無認真咁玩,所以成日都輸,今次認真咁玩,原來自己都可以去到LV4,證明係認真的問題)

用左2個鐘,加上我好似入左迪迪尼第7次,所以基本上係可以叫做街完兼回家了!HAHA1:00左右JOIN 左MELUSO(佢係葵青放工過黎好近)

今年本以為要自己好孤獨咁過(本身WE係舊公司請左大假,但係因為剛返新工,所以無請到),難得MELU請假陪我!

今日雖然無WE陪我!(但係我都叫自己要HYPER D,無論點今日都要開心,而且簡簡單單的開心就夠了!而今日真係做到)因為太熱了!差唔多係曬熔咁濟!MELU今日竟然陪我玩左SPACE MOUNTAIN,雖然玩左好多次,但係今次竟然覺得異常地好玩(唔知Y,可能MELU驚?定係太耐無咁樣風馳過?)仲坐左旋轉木馬!睇左4D!小小世界!(因為有張特快的證,所以可以打尖呢HAHA)

今日入黎的目標,都係要同公仔影相!(HA!真係發覺自己有夠無聊)

玩到5點咁上下,就去左JOIN WE同STELLA食峰SUSHI!(唉!尋日WE同MELU為左我的生日竟然嘈起上黎,MELU投訴話點解我同WE的生日年年都要搞得咁大?仲搞到WE激到喊!)佢地好趕急咁衝入去食!又好趕急咁食完!(事實上都唔係好感覺到係自己生日;不過覺得生日有人陪自己食飯已經好開心!)正當我以為就咁就完時,(我之前奇怪地發現待應俾左5杯茶我地,而我地只係得4個人,我仲講笑話待應撞野,STELLA又問我做乜要留一個位,坐到咁近佢,正當我話留左俾人時,阿妹就出現喇(而我當時係唔知佢出現架)妹妹拎住蛋糕入黎!HAHAHAHA!妹妹係到,氣氛緩和D!有蛋糕,生日感都多D)

之後真係好趕急就咁走喇!WE,STELLA一齊搭16號!途中,WE竟送出BABY G錶呢!(佢呃我話尋日約左家姐,原來去左買錶,(之前WE承諾過,年年的7月4都係留返俾佢1個陪我過生日,之前去旅行,佢都一定係我身邊,即使去澳門都係有2日,所以今年佢無陪,都覺得….有D野少左)真係有D意外!雖然係我之前睇啱左的!但係我本身都諗住GIVE UP呢份禮物!

可能人大左,灰左,覺得有人記起自己已經夠,唔需要咩儀式!

 

 

新的工作(DAY1)﹣地獄式訓練(12粒鐘僵硬化)

July 11, 2011 § Leave a comment

7月5日的生日願望,係8號就實現左喇!我終於搵到第4份工喇!(真係講黎都唔興香)

呢分工,真的得來不易。(雖然是多麼的看不起這工作,但好歹都是朝9晚6(?)的工,放星期六‘日的工)

第4份工終於肯搵返DESIGN的工做(專做飲食廣告(餐單,咭片,宣傳單,LOGO ETC),(事實上,唔知仲可以做D乜?)之前無聊見佢係牛頭角,近近地先SEND RESUME去!點知個日見完個日請(仲急到話可唔可以聽日返工)!終於有工返喇!但係心情並無太大興奮,因為過去的工作,都係D漂漂亮亮的大廈到做野!今次係一棟超可怕的工廠大廈返工!而且成間公司都只係一間房咁大 ,成層都好似板間房的間格,而且成間公司得4個人!

第1日見工的感覺,覺得老細還可以的。好似樣樣都有得商量咁!(連人工都有得商量)仲講到明都希望我地唔使OT!(但第1日返工已經O到9點)

係牛頭角返工,感覺真的特別不同!真的好似那麼的近!唔使早2個鐘起身準備!(慳返搭車錢同時間?)

今日第1日返去,未坐定定,已經有JOB要做!第1份返工的DESIGN WORK係幫一張卡片畫地圖(第一眼望住的時候,都真係好怯!大佬,我唔係好識!而且要用AI畫,不嬲都覺得自己唔係好叻AI)但係畫畫下都尚可接受!THEN 就設計埋前面的野,(開頭覺得已有一個版本,要用返個D元素,好難設計,但係原來有原素可跟,係好過無架)本身朝早仲好興奮,覺得還可以(至少自己鍾意咁樣砌野)但係後來經過客呢到改少少,個到改少少,就係好嬲喇!

之後自己一個食飯(因為呢間公司,唔可以一齊出去食飯)係牛頭角攞身份證的附近!感覺還可以的,這個朝早!

係食飯前,老細已交帶落要做下一份的宣傳單張,咭片,LOGO(當我以為自己好叻完成一樣野時,你都未透到一啖氣,老細已即時俾野你做,而且佢係無按時間食飯)!就係呢一份野!我OT到9點!而且都係仲未做完!(因為又要改之前做好的野,真的沒完沒了!)

僵硬化左12粒鐘後!連搭LIFT都要打電話先有LIFT打的一棟大廈!(假如得我自己一個,真係好大獲)

好彩,間公司有一個90後的妹妹仔!(同妹一樣大)佢真係好FRESH呢!!!見到佢對自己有TARGET,仲反問我咁你的目標呢?(哈哈!你話死唔死!我真係答唔到佢)

今日的賽後感,係假如我連係呢間細細間野都搞唔掂,我真係唔知日後仲可以點樣生存!我知道我過往住係天堂太耐!根本唔受得考驗!呢到我當係另一個磨練!真係至少要做夠1年!!!如果我可以挨得過呢個地獄!我一定會成長!

呢份工的目標係要令自己成長!

難得繁忙的一星期

July 4, 2011 § Leave a comment

上個禮拜一連氣做左好多野,終於無咁頹,當一個人無野,人生真係好灰暗。

星期二 28/6

去左MELUSO到做左一日義工,小朋友去海洋公園,幫手影相,呢日天氣都唔係太好,見到小朋友簡簡單單的開心。真係好羨慕!

作為幼稚園老師真係好不簡單,趕鴨仔咁趕,萬一走失一個小朋友,真係…可大可少,佢地份工真係責任重大。平時騰雞的MELUSO都真係當起一個稱職的老師,見到另一面的佢。

今日整日都下雨,唔知小朋友究竟知唔知自己睇左D咩?小時候的我們又係點樣去旅行的呢?

星期三 29/6

今日去左柴灣見工,郭良蕙出版社,出版旅遊及影音書,之前上網查過,係出版行業名聲不太好。因為上網偷相等等。

聽WE講,無論什麼工都要見,而家的你,並無其他選擇。

係檸檬STUDIO後面,係柴灣超遠超遠,車錢都蝕呢!上到去,好古舊的一個OFFICE,不過見到員工間的相處好似都幾HARMONY,見我個個人係個到的副經理,佢只叫我簡單的介紹自己,不過都主力係佢講多,第一次見工,有人會代入員工的角度去睇,我問清楚返工模式,佢都會老細請一個人除左個個人要適合外,員工都要覺得呢份工係適合自己都好重要。短短20MINS的見工,其實氣氛唔錯呢!我有感佢有機會會請呢!(可惜5日後我依然未收到任何的一個電話)

說真的,什麼也不提興趣了,注重返工時間而已,有工返又是自己選擇就可以了。(我真係唔知道為什麼到今日為止,我依然找不到一份工?出了什麼的事?)

夜晚同妹妹食譚仔,妹更罕有地回到觀塘的家,有妹妹熱熱鬧鬧的存在真的太好了!(我真的想有人陪自己)

星期四 30/6

TVB電視製作訓練班打黎話去見,可惜唔係美術設計呢!而係唔知係做咩的電視節目數碼資料管理班,事前真係唔知要做D咩?佢張PROMO個到只寫住懂打字就可以。我都係無無聊聊求求其其咁SEND 左過去。

長時間都係在等,等,等,唔知係好彩定唔好彩,被一個奇怪多口的女仔捉住不停講講講,所以都唔覺得個幾個鐘係痛苦的等待。呢個人令我明白到,我真係幾咁唔想做CLERK的行業。幾百封的信,無間斷的接CALL,MUTLIFUCTION的人類。做文職都並非我所想。

等左3個鐘後,2個人負責見,都係好嚴謹的問題,事實上毫無準備,亦唔知佢地會問D咩?真係天才波咁去見。原來係做睇電視再寫返節目的相關內容。(一聽完後已經唔想做)事實上,見完後都覺得唔適合,另外真係覺得被人問到口啞啞。

呢日好開心,WE主動約食DINNER,出左太子食紅楓葉,氣氛好好。見到佢係掛住我的,又成日捉住我隻手,扮咪,扮咬我。是夜,不提任何事都是好開心的。能否給我力量支持下去。我已經什麼也沒有了。能將這幸福感延長嘛?

星期五 1/7

MELUSO約了今天入大澳呢!(我上次都只係講講而已,哈,不過我都不想再待在家,真的有任何地方,我都願意去)

早上天氣不大好,姥姥又突然失約,差D就約不成呢!但最後都決定入去呢!搭了成2個鐘的車先入到去。天氣炎熱,大澳又無乜野做。所以都差不多悶死佢地2個。好彩佢地2個為食的人,先令到行程不至於太差。最搞笑係最後景點,1個小公園令佢地變回小孩呢!係東薈城行逛一陣就回去了。

突如其他JOIN了姥姥和細佬,又突然走到將軍澳食聰嫂糖水(有車多麼的好呢)!又車回家裡去。

星期六 2/7

和姥去聽WORKING VISA的講座,獲益不少呢!好似聽完後,思想上被改變呢!(多得姥姥相伴,如果唔係,我可能又推掉)

有3個原因令人想到外國生活,逃避,感情問題,體驗或學英語。

但係主持人都講得啱,如果你思想沒有改變,思想沒有開放,即使去到邊,你都依然係無解決問題。

去外國你係去打工,去體驗另一種生活方式,但不代表你係香港的問題就迎刃而解,問題始終在,更可怕的是,係外國呢個人生路不熟的地方,你將會失去所有的依靠,依賴,你面對的問題將會比係香港的更多。

你挨得過,你會變得成熟,你挨唔過,你依然係你。去到個邊,只係被你重新認識自己,被你學會獨立。

聽TALK途中,WE又話要同佢出去DINNER,前2日呢個問題已經傾左無數咁多次。佢都講左幾次話唔出去,(即使我知佢個心係萬千個不願意)最終佢反口後,又再推掉佢。(係要咁不斷不斷的破壞建立破壞,吵鬧,沒完沒了嘛?很煩呢!這種生活,這種感覺真的很討厭)係我的錯,我知,我認,我的而且確自私,令到身邊的人不快樂。今年我做了幾多自己都不能原諒自己的錯事。但這個惡夢,依然沒有醒過來。我只不過係自己的痛苦住,死抓住一些覺得好重要的事,令自己好過D而已。

最終係KLB食和民,逛了一逛淘大。送WE回家,今天佢自動坐下來傾這件事。對於佢黎講,呢件事係唔可以解決。我個腦一日未諗通,呢樣野都會係佢的心結。佢喊喇!佢的說話!令我明白到,佢需要的唔係我。佢意識到一切要改變。我沒有聽到我最想聽的說話。而係聽到佢要去搵佢喇!我唔可以再留係到。(即使留係到,都係要以另一個身份,佢唔想無左我,所以佢一直無走到,佢對我絕對有情有義,佢唔想我對呢個世界失望,佢唔希望我的世界依然被黑色圍攻)我心一方面係知道的,另一面,依然係接受不了。

佢見到我發脾氣用手大力的搞鐵柱,佢知道問題依然沒有解決。所以他再一次放棄說不要解決。沒事了!

我能做什麼嘛?我幾時先會醒過來?

星期日 3/7

聽完TALK後,覺得不能再頹,有問題不是要逃避,而是勇敢面對。努力抹屋!即使今日是如此好天氣,多麼想走到戶外,感受迫人的熱氣。

抹了全日屋,又再一次疲累了!

是夜與表姐,CPANG FACEBOOK MSG。期待表姐能約我生日。可惜等了又等!我相信她忘記了。

今年我都要忘記自己生日呢!!!咁的YEARS OLD!生日還重要嘛?

今年多謝MELUSO特意請假來陪我呢個好需要有人陪的自己。有人陪已經好好呢!真的好謝佢!知道WE未轉工前,係請左我生日的假!但係轉新工後!就不能了!多麼想他能陪陪自己!應該是最後一年了!

沒所謂了!生日並不是什麼的大日子!有人陪總好過自己1人。

 

Where Am I?

You are currently viewing the archives for July, 2011 at waterman0808.