上班上班

August 30, 2011 § Leave a comment

而家開始上左手喇!好有規劃咁返工,佢地亦會好享受lunch,唔會太急,傾下計咁! 原來簡簡單單的生活先係最啱我!

忙中帶靜!又可以聽住歌做野!

我的目標係希望佢留我做長工,不過如媽所講做好自己本份,努力d做!之後佢請唔請都控制唔到!最重要盡力!

尋晚we去飲今日請假(我估佢唔記得話我知)

我有預感佢會約佢!我諗佢咁難得可以平日係家食飯!佢會留係家!但佢無!

係臨收工時,佢send sms黎話約左人兼出左去!真係勁炆!使唔使咁!我今日突登問佢會唔會同我食飯,佢話唔會,點知轉個頭就出左去!

佢話因為我過去筲箕灣,所以先約!又係等我唔得閒!唉!真係好嬲!
一大

鴻福堂的一星期

August 29, 2011 § Leave a comment

鴻福堂

之前的選擇恐懼症
而家已經決定留係鴻福堂

返左一個星期,如我之前所感覺到的舒適!整間公司真係幾和諧!我條team同head都係好人!
每一日都會出去食飯,雖然shine錢!但係呢個係增進關係的好機會!終於搵到一間公司不以是非為題的公司!簡簡單單講下電視,講下無聊野!最基本的交流就夠了!終於感覺到簡單的人與人的交流。

雖然放棄了一間好似更大的公司?無論地區,工作環境好!朗豪坊返工!但我相信除左地區,其實都無咩野令我想去那銅臭味濃的地方!

我知我的感覺無錯的!亦已經決定好了!雖然唔知3個月後會點?但係已經唔再諗喇!當3個月實習又好,乜都好!至少我真係係短短的時間學到好多野!唔再諗之後會發生咩事?只有努力做好自己!

奸爸爹!能夠學習,能夠體會係一件難得的事!

而家的工作係做緊店內的wall
Sticker!雖然好煩,而且好interior d野!但係都ok ar!

同埋做緊neck tag 的換相!

Soup pack的改裝!

We深情說話

August 29, 2011 § Leave a comment

We話

我同we一直都拖拉著!好似浸親咁不停咁掙扎!嘗試去救起,亦知道唔救的話只有一個結局!就係浸死。

一直都唔明佢的愛,點解可以咁偉大?可以咁大愛?為左我一句說話,一下子的脾氣,佢話唔出就唔出(明明佢係想出)。為左我,佢犧牲自己的快樂!

我一直係到諗,當我覺得佢要走時,我放低晒對佢的感情。(又或者佢無再俾力量我再去愛,我亦見到佢話佢刻意的感情壓抑:明明想過黎,但又無過)而家係街,亦無過去的甜蜜!個一種滿瀉的愛,沒有了!

今時今日我問自己我仲愛佢嘛?佢的大愛,突顯我的無情!當佢要走時,我一滴愛都唔嗇!佢尋晚同我講:「唔係因為你愛我,而愛你。」(我覺得好震撼)

佢尋晚收左線後再打黎,忽然喊起上黎!佢無出聲,但我知道佢為咩而喊!(佢突然驚醒d野)佢係因為好掛住我而喊!(我期待左呢一喊好耐)每一次都好似係我好傷心落淚!而且仲好似喊到麻木了!慣例咁喊!而每一次佢都只係唔出聲!

佢話到今日為止,都仲想我係男仔!如果我係男仔,所有事就唔會發生!我地就會好幸福好幸福!

其實佢到呢個moment,仲會咁!已經好難得!我知佢可以隨心所欲去做佢想做的事!但係佢為左唔想我唔開心,即使可以做都唔做!佢緊張我,多過佢自己!我知道呢個世界上一定唔會再有一個咁的人!

鴻福堂的第1天

August 23, 2011 § Leave a comment

多人的支持下,我最終決定去鴻福堂。我諗我都係被見工的感覺迷惑了。被金錢、被上班時間、被能放長短週而中記了。

第一天上班,遲了5MINS,更被HR姐姐打黎問我去到邊,當時正係樓下等LIFT。荃灣,真的頗遠呢!!!

早上同一個做PART TIME的嬸嬸一齊ORIENTATION!見到一個笑容滿面負責TRAINNING的姐姐。熱烈地好似迪士尼姐姐咁,介紹公司,從佢的說話見到佢是熱愛公司的。大家都會話經過隔離工廠時,會估下而家係煲緊咩涼茶呀,湯呀咁。心諗能令員工咁雀躍去介紹公司的,相信呢間公司都唔會太差。

經過佢熱切的介紹下,其他的HR姐姐好似未訓醒咁,無笑容咁走入黎,叫我同嬸嬸簽賣身紙(呢張野我都唔知簽左幾多份,不過佢離奇地規定,6個月內,唔準跳嘈去其他敵對公司。如美心呀,許留山ETC。)

之後就去到自己的崗位,我係一個暫時搭建的走廊位,無遮無掩咁,只有一張四隻腳的枱,同埋一部新年古舊的MAC,而行緊的OS 仲要OSX,同埋用緊最原始的PHOTOSHOP CS1。我嚇呆了!!!但係記得第一日要笑容滿面。接受一切唔熟識的事。

第一個見到的同事係一個叫FENNY的女仔,好似不嬲到呢個英文名的女仔,都會帶住佢一定好多野講,好八婆的有色眼鏡。而最終亦如其名,真係好多野講,不過唔係討厭的八婆。只係真係唔講野佢可能真係幾難生存得到,一把好急切好急切要發表講話的聲音,感覺有D似阿嘉。

之後黎一個好似係我表弟的WINKY的人,人如名不符,好努力咁去表現佢對MAC機的熟識,對事的執著。都多得佢好努力去整,同埋都好似一個做左好10年的一個重要人物。不過我好好奇為什麼重要人物總是TB?

介紹完後,見到所有的DESIGN都係清一色女仔,只有一個中年好似BENNY的男人,佢真係有DESIGNER的格。佢身邊一個男性友人都無,真係幾可憐。不過食飯時,都見到佢同自己TEAM的人都好融洽。

以為就係咁多人了。原來還有一層,係14樓,就係坐住4個人,WINKY就係個到的揸FIT人。(佢用緊部唔知係咪32吋的MAC機?==‘)有咩事都要上去搵佢地。都幾麻煩。有一個好似麥仔的GUBI,今日發現佢好勁!有條理的DESIGN。仲有2個外表同埋行為有少少怪異的DESIGNER。有一個係設計得幾靚架,我覺得。

咁我的負責人就係一個好似教書MISS的VIVIAN(通常改得呢D名的,大家都會估到佢的年齡)(我尋日好迷惑,以為佢都係DESIGN,原來佢係睇DESIGN的MARKETING人,為什麼會這樣的?不過見佢都係個D都幾多疑的女人,從佢眼神都見到佢好會計算。)

而個日IN我個個人呢日放假!咁被人調教完電腦一輪後(我都好好奇點解佢會咁得閒理我?即係代表好悠閒?)

LUNCH時間,MISS帶左我地去茶樓食野,咁佢都好好咁話歡迎我。同枱仲加入左一位後生人,MANAGEMENT TRAINNEE。見到佢地相處都幾融洽!

下晝MISS就BRIEF我黎緊要做的野,但係FEEL到佢都好趕好趕咁。佢一氣過俾3份野我跟,叫我諗下點可以改下NECK TAG的設計,做大陸的店鋪裝修。同埋一個湯袋,其實唔多野的,但係我都覺得對於一無所知的野,都幾咁頭痕。

本身尋日個感覺都幾好的。但係不停感覺佢地真係只係當我係一個3個月的人,而且我唔識得好主動同佢地溝通。呢個令我好擔心!其實鐳射而家除左因為佢係長工所以我會諗之外。其實我都唔會再揀了!只係叫自己平安有多個後備!

雖然好擔心無得做長,但係我知自己唔係好勁,真係好需要磨練一下,亦知道咁樣已經好好!唔好諗喇!唔好再一搞唔掂!就想走!努力D做好乍喇!交俾佢喇!我相信佢會睇住我!

你要成長呀!你要乖呀!要乖乖地做!要改變你的態度呀!

感恩

August 21, 2011 § Leave a comment

呢個8月又發生左好多好多事,而且真係峰迴路轉!

坐左3個月後,7月的8號我搵到工。一份DESIGN MENU 的工,牛頭角,返朝9晚6,準時放工。1個月都唔夠我決定走,呢一份工係唯一唔係我想走,而屋企人係好希望我辭職的工。最後係因為個老細的不負責任,同埋公司完全無晒人,又係一間板間房的地方返工。我害怕離開,RESUME 已經爛得無可再爛,我知我唔想走的原因係,即使D客好煩,但係我能自由自在去做自己鍾意做的野。YES, I WANT THE FREEDOM。

係毫無準備下,我離開個個好似夢境一樣的奇怪地方。當時我個心真係忐忑,我的下一步可以點?又要坐係到等工?

神的思典再一次降臨係我身上,9號辭職,10號SEND 左10封 CV出去。之後連續的一星期,有7間公司打黎叫我見工。真係好奇蹟!!!無諗過能夠有咁多回音。有2間我推左無見,見左5間,有3間請。

星期一係鐳射見工,上星期四知道,一早已經準備好晒。好期待可以去朗豪坊返工,好期待終於可以改變唔再係D 工廠區返工。每一份工都差唔多10點見,上到去,D人都好似未準備好,有2個女人見我,1個仲要係普通話人,1個好似關淑儀的女人。個日我記得我係未點樣開聲,而且整個見工的感覺都不是太好,關淑儀見到我的CV,覺得我份份工都做唔長,而且個樣好似好鄙視咁!內地女人都針住我返工的長短而話我!感覺個到係一個好商業的地方。銅臭味的地方好濃烈(係一種見工時的感覺)

星期三係觀塘工業中心見工,一間印刷公司,上到去,見到又係工廠地方,其實又係唔太舒服,不過今次多人好多。佢個時其實已經係即時請左。但係我見形勢咁好。唔好亂咁返工。就係因為推話要LATE先可以返工,而無左呢個CHANCE。(BUT i don’t mind)

星期四去左鴻福堂見工,HR打黎已經係話係TEMP JOB,只係做3個月,問我有冇興趣。我猶豫,但都覺得可以一試。而WE都竟覺得都可以一試。無論TEMP都好!佢的第一感覺都幾好。

係荃灣見,一上到去,去到一間無野的房,跟住見我的人都好NICE,而且佢都幾APPRECIATE我的WORK。整體感覺幾好,覺得呢到係一間都唔錯的地方。其實見完後都估到佢大多會請。

離開諗住返KT的時候,收到2個CALL,一個係鐳射,一個係鴻福堂。鐳射打黎時,我呆左一呆,有少少興奮,同時又有D 擔心。我好想的工作,終於打黎喇!但係唔知點解我竟猶豫?

THEN之後鴻打黎講人工10,500,有長短週呀!!放5:30呀!(本身我諗住一口拒絕佢架,未聽呢D野前,但係記得KAYI同自己講,要留多D準備俾自己,本身諗住鐳射請左就乜都唔諗)但係….太吸引了!!!無諗過自己可以有呢個人工!!!

之後竟為了呢2間公司而進行了人生交叉點。但最離奇的係,好多人都支持我去鴻福堂。其實我都唔知點解?明明係TEMP JOB。當我覺得好煩時,我話神呀我唔想煩喇!可以幫我做個決定嘛?當我再同家姐講,同阿媽講,佢地都係不約而同揀左鴻。佢地最CONCERN我係咪做得開心。

佢地講得啱,唔係份工可以俾到我長定短工,而係我會做長定短???

ANYWAY最終我問左起碼10個人,大家都經我的口,聽到我見工的情形,而叫我去鴻福堂。其實我自己一早已經有左答案,如果唔係TEMP 定長工問題。我就已經好清楚自己要去邊。但係大家都以開心為返工的大前提,我決定左去鴻。

聽日就係第一日返工喇!我真係好想係呢份工,重新去改變自己的諗法,我要唔當呢一份係工作,係一個PROJECT又好,係咩都好。學WE所講,係做好呢份工,唔好做完等收工。 每1日俾個目標自己,唔好HEA做!要做到人地無左你,會係一個損失的利害。人地可能唔要你的設計,但係佢地見到係靚的,係俾心機的,都已經值!唔好再俾自己藉口要離開一份工,而係要諗點樣可以做得長,做到一份工!唔好再俾人覺得我一唔鍾意做就唔做!想人地改變自己的睇法,先由自己做好。唔好對自己要求咁低,唔好求求其其,得過且過,你可以得到3個皇冠,你以呢個做目標,其實你一樣可以做得到。

再一次再一次,感謝主,唔係你的大能,單憑我自己,我唔可以得到我今日得到的野!係呢個時間,你給我大愛,你給我一份咁厚的禮物。你給我選擇,我知你的用意,係想令我成長,令我諗清楚乜野係適合自己。係我最煩的時候,你帶左好多朋友係我身邊,幫我解決問題。我知我最重要的決定,我最重要成長,要依賴你去實行,去改變。真係再一次感到神到我的不離不棄!如同WE對我的大愛一樣!呢個世界真係有奇蹟架!

失去的唔重要,只要你俾信心自己所有野都真係會幫你搵到答案架。

真係好希望如LING LING所講,神俾你行到呢一步,佢3個月後,唔會扔低你!不過首先你要做好你自己。

THX GOD~~~~我決定要改變心態!!!!要以義工的身份去做好呢份工!唔再諗咁長短的問題,而且決定左,絕不後悔!

 

Where Am I?

You are currently viewing the archives for August, 2011 at waterman0808.