賈宝玉

October 21, 2011 § Leave a comment

賈寶玉

突然決定去睇何詩十年舞台劇,突然上網買飛,突然知道第一行!仲要正中位置!嚇呆了!

一睇4個鐘!骨痛+攰爆!
滿心期待,歡喜!但多情的劇情不太討好。
何詩第一下係門下開出黎中,何CC就係我眼前,我已經幻想左好多次!但見到佢個一下,真的太驚嚇了!但係猶如看著一個無螢幕的電視般,真的是那麼近,這麼遠的感覺。這就是偶像吧!即使在眼前也不能相信。其實第一行無咩太大問題,而且能咁近距離睇,真係好正!但係唯一可惜係因為套劇用國這演繹+文言文台詞,無字幕真係一大痛苦!

故事內容

其實呢部戲係何CC的10年大作,紀綠佢的個人成長!呢部劇中我看到的是主線係﹣如何不理世俗,忠於自己,做返最真實的自己!

佢以到仙界後再重回人間,看回過去的自己為起點!被你重回,但係不能再次改變,只能旁觀。重睇自己的過去!

「何CC :假如你能在你生命中倒帶,極限為十年,你最希望停留或重要哪一刻?你會想再感受什麼?想刪除什麼?想改變什麼?」

唔知點解,我好難先投入到係劇中!或者故事太複雜吧!又或者是內容不討好吧!?事實上如WE所說,假如不是何CC我不會買飛看的!

但係佢有用心帶出劇情,買寶玉身邊有好多人去愛佢,但係佢只愛林1個,可惜最終都不能同最愛的人一齊!個種看似好幸福,其實好可悲的感覺,我明白!被愛欲不能愛最愛!

仲有,賈,佢唔理世人的目光,忠於自己的諗法!悲於自己的感覺!佢不停被現實同真實的自己抗衡著!個種徘徊不定的感覺,我亦明白!

仲有,不記得與忘記的分別? 不記得係刻意不想起,忘記係真係唔記得。我諗每一個人面對自己的傷痛時都係咁!我相信我對於感情事,我係咁。

仲有,預言家俾人希望,人們會因為希望而改變人生,但係如給人失望,將會扭轉。能夠給予希望都是一種福氣!

仲有,失去才是富有!係因為失去左你先會睇到先前你睇唔到的野!我都係,經歷左咁多失去,先成為今日的自己。

2個鐘後,1個小BREAK後,我才投入到,佢爸打對佢一幕,仲有一幕係,佢對世界失望時!流下了眼淚,相信係被何C努力的演出而感動!

最後,何CC同一班演員出黎謝幕!就係咁睇左我人生第一個舞台劇。

感覺

舞台劇,令我用藝術角度去欣賞!佢係「1TAKE」過的劇!不能NG,不能出錯!每一日都會有唔同!尋日睇同今日睇又唔同!

我在想假如電腦無左CTRL+Z 製,影相用返菲林,每1樣野,都係得1個機會使用,都係得1次!你會點樣用你的人生?我諗呢個係我的大前提!珍惜每1分1秒!

用LIGHTING就能改變舞台觀感。何CC唱演唱好正!

是夜,攰爆的走,WE黑面離場!佢發晒脾氣話唔值呢個價錢。

﹣﹣﹣﹣﹣﹣﹣﹣

PS佢已經無左痴纏,我真的是失去了,我放手了,他走了!沒感覺了?放棄了!

感恩,感謝神,第一次感覺到努力係有用的!努力去放低,努力去尋找,努力去工作!世界無十全十美,我努力去做、去找,係要搵一個更好,九全九美的自己!係呢一刻,我找到了我想要的野!可以暫時留低!thx god!

VIVI叫我留到新年後,有機會再轉!佢會幫我爭取!MO好鍾意我的DESIGN,被人肯定的感覺真好!

佢地知我睇賈,佢地竟努力的叫我走!(真的太AMAZING了)

Advertisements

3idiots

October 15, 2011 § Leave a comment

3 idiots

雖然上左畫好耐,但係無論如何要推呢套戲<作死不離3兄弟>,3個鐘的戲,竟可將人生爆笑地演繹,愛情、友情、親情、讀書、事業、人生哲理通通都簡單化呈現!

人生-唔好為別人而活,為世俗的目光而活,要為自己而活。世人認為賺到錢,讀到大學就係叻人!但係天生我材必有用!!好好利用自己的專長,活出自己的人生!

愛情-唔係以身份、金錢、職業去界定你搵的人是否最好,要搵個人識得欣賞自己的內涵,唔係外表,2個人一齊係要互相令對方成長1+1>2。

友情-好朋友係,會好唔俾面咁直接嘲笑你;係當你有錯時,佢會第一時間,毫無保留咁指出你的問題!當你唔開心時,佢都會唔開心,會為你擔心!係會有地方可以俾你學習!

親情-

讀書-不是求分數,係要享受學習的樂趣!融匯貫通,變通先係學習的重點!其實有冇人諗過點解要追求第一?考到第一未必代表你真正學識!只係你熟習題目!學steve jobs,stay foolish , stay hungry!咁人每一日先會有進步!

尋日唔知今日事…崩潰

October 9, 2011 § Leave a comment

好多時,唔知係因為自己懶定咩?無左太大意欲寫日記。(可能潛意識係唔想記低D唔開心的事)

本身今日應承左姥去整頭,但係因為WE的一番驚嚇的說話,令我….崩潰了!!!!!!

大家連日黎傾左好多好多,(講到D 話題都爛左,就係太多野講,但係都一直無結論,所以結果每日都係重覆又重覆,大家講黎講去都係個D野!我一直都以為我已經心死得七七八八。但係原來唔係!

佢今日聽完我講完一大堆廢話後,我話我唔想再聽佢講一模一樣的野,每一日講的野都係一樣。(全部都係關於佢嘆氣,佢好想行,好想出街,但係又要掙扎係我俾唔俾的之間)我真係覺得我地的關係已經好攰,好攰,我都想就咁放手!!!(佢對我的愛已經變左質,無可否認的係,佢可能仲好愛我 ,但係…佢同時愛緊另一個人,我真係唔想咁樣)最可悲的係,我今日先發現,原來我一直都係到等緊一個我好想聽到的答案,就係佢好愛我,佢一D都唔愛個個人。但係當我每次問,最終得到一下沉默,無否認,又或者係,佢講我最唔想聽到的野,就係要行就係咁。

今日BACKUP 返D MSG,其實睇到由我返第一份工開始,所有野已經正式開始左。(仲記得係08年,去日本旅行之前,我地同樣被呢個問題困擾住,3年後的今日依然繼續)睇返部份的MSG,發現佢地由個時已經一路發展緊。而每一次我聽到佢被佢接走時,我個心都係難過的。有D唔明白,點解今日依然拖拉著….

其實我真係覺得佢對我的愛,係可以媲美神的大愛,一個人可以捨棄佢的幸福,佢的未來,去換取我地的關係。為左我,願意放低自己的夢想。(我自問我做唔到)明明佢就知,佢一直以黎做的野都係啱的,但係佢依然會道歉。今日仲拖拉著…我知係因為佢的不捨,佢的仁慈,佢的大愛,佢一D都唔捨得見到我痛苦。佢為左我開心,佢寧願自己繼續去忍受。(我知道我呢一世都搵唔到一個咁的人,真希望之後我仲會記得曾經有人咁樣為過我)

佢的愛,佢的努力,我感受到,我見到。佢講過即時我唔相信我地之後,點都會好似而家咁好的關係時,佢會用佢的行動去證明俾我睇,即使佢知道可能係白費心機,佢都依然會做。

今日經我一講,一再話好煩呀,點解要聽到每日佢對住我 ,講唔夠幾分鐘,叫我一聲寶後就嘆氣。(記得佢上次訓覺時,連續啜泣左3次,我見到佢的痛,佢的辛苦,但係我唔夠偉大,只係諗到自己)佢突然一反常態,不斷重覆話佢今日會出去。佢重覆又重覆講一D我好唔想聽的說話。佢堅持左好多次話即使知夜晚會繼續嗌交後,依然會出去。佢個種決絕,突然反轉過去。我……真係接受唔到。每一次佢講BYE BYE,真係收線時,我個心真係裂左。每一下都好似中左槍咁。我見到佢的不捨,佢近黎同我嘈得咁勁,都係因為佢想行的欲望大左。

就係咁…呢一日的戰爭就展開左。我強忍淚水。不停背住良心講叫佢出去。我。。。心痛到不能再痛!!!真係好似一下受左好大打擊!

佢重覆收線又打黎幾次後,(我知佢唔捨得)我崩潰….我大喊,好耐無咁樣歇斯底利咁喊法。我真係心死了!聽到佢只係呆企左係一邊睇住我喊。睇黎我呢種喊,已經成為狼來了的故事。喊到眼腫晒。好激動。好心痛。好想死!

喊左好耐後,又好似用眼淚去收伏左呢件事!但係我知道無用的。最終又係乜都無講!又當無事發生?

夜晚又好似平時咁講電話。呢一晚我真係異常咁掛住佢。好想攬實佢。

我都好想放手!但…我真係好驚剩低自已一個!

久遇重聚的4人麻雀

October 9, 2011 § Leave a comment

今日返長週,其實D野真係做得七七八八,我問VIVIAN有冇咩可以俾我做?佢都話無,仲話俾我知D大陸鋪頭已經暫時告一段落!唉~~~已經兩星期無乜野需要做,真係好辛苦,又重回無野做的日子。突然明白蛙子講寧願忙死好過無聊死的道理。(真驚而家已經無野做,即係證明我可以唔存在。唉!可以俾我繼續留低嘛?我真係好唔想再搵過工喇)

每個星期都係到重覆緊,要搵D野搞。但係每個星期都要諗去邊,原來都係一件痛苦的事!最終誤打誤撞之下,大牙,旺旺,WE 我打返一次好耐無4人重聚的四方城。

係荃灣搭小巴用左唔使4個字就返到KT,係WE提議下去左飲茶,呢一次飲茶好似係我地3個識左以來的第一次。飽到癲左!

大家又好熟悉咁走到公園仔搭車。就係咁開始左麻雀大賽,事實係今日又攰又搞笑。難得的重聚,難得的開心(連WE都覺得好開心,只係有少少野唔同左,就係呢個星期六佢無好似過往咁留係到了)由3:30打到夜晚11:30…真係超CRAZY!!!中途因為一隻小小四腳蛇嚇到佢地3個白痴,拼命逃走,因為個隻野由牆邊走到天花板,佢地叫我用牛皮膠紙痴死佢!(雖然我都真係有D驚,但係見到佢地3個驚到要哩入我房,成個過程真係充滿搞笑,仲俾GIGI 錄左片)

夜晚食左第一次食的芝脆雞。(WE攰到想返家,但係見到大牙同GI都無太大意欲想走,所以食完野繼續反)

雖然最終我又係輸左,我都唔知點解次次都係我輸的呢?但係我ENOJY THE MOMENT WE HAVE。越黎越珍惜每一日發生的事!

 

不想走。 旺媽生日 王家沙

October 6, 2011 § Leave a comment

10月6日

1個月零14日了~~~過了一個愉快的工作時間。由驚喜,忙碌到擔心,悠閒。

過去2星期都是無聊到死。好快做完自己的野,悶到唔知仲可以做D咩?今個禮拜亦都係咁,問阿HEAD我仲有冇咩可以幫到手。佢話無,又要HEA住咁過了,(我發現這是工作中最痛苦的事!)。(亦同時代表,我的用途只限中國的鋪頭,無乜可以幫到手了,即係我隨時可以離開?唉!唯一一間公司我希望可以留低,可以俾我留低做DESIGNER嘛?神呀?有多一個奇蹟出現嘛?)

真係好唔想走,唔想再搵工喇!可以嘛?求求下你喇!俾我做1年都好呀!

每一日都係8:15起身,9:00前出門口,搭地鐵去櫻島買平包,食早餐,聽早霸王,返10點的話,就2個鐘後等食LUNCH(都會幾期待食飯,因為大家越黎越放開,真係好似細個咁,乜都會講,大家都係啱CHANNEL,你笑下佢年紀大,你講下兒時趣事,電視,新聞,真係乜都講,最趣緻的畫面係係一間日本餐廳到,每日拎住一部IPHONE,鬥快過關,呢D情境,真係唔知可以係邊到見到?)

 

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

夜晚拎返部相機俾旺旺,佢同佢媽媽慶祝生日,係APM 王家沙食飯。AUNTIE 極力游說我一齊食飯。就係咁,又同左旺旺吃了一頓她媽的生日飯(HAHA)

每一次坐低同唔同的屋企人食飯,都會發現,朋友屋企人都對我好好呢!另外,更會了解多左點解旺旺性格會係咁?原來真係關DNA 事呢!

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

 

不受控制的船

October 4, 2011 § Leave a comment

而家我地的關係就好似一隻船不受控制咁,一時吹近岸,一時又吹離岸邊!好多的掙扎,好多的飄拂!明明可以斬釘截鐵,但偏偏不由自主!世上最痛苦的事,係明明屬於自己的野,一樣好重要的野,千辛萬苦可以講我找到了的野,要無奈咁將佢送俾人。

 

我係岸的中間,諗住長期企起個個位置!諗住唔郁,諗住呆企,但偏偏唔知點解被拉返返岸!

 

我地的關係真係完全係混亂、矛盾!

 

我心其實已經死左,睇住佢而家會調反轉頭鬧返我,話俾我聽所有野就係理所當然!真係好心死!見到佢個身越走越遠,越來越泥足深陷!我只可以無奈企起一邊!睇住佢的變!因為大家的掙扎,造成好多潛在的壓迫!

 

事實上,我累了!我真的想離開!唔想再見到佢為左佢,越黎越可怕!

 

我真係迫於無奈接受!好痛苦!有邊個明?要喊已經喊晒!當佢每一次問我咁佢可以點?我都想問我可以點?

 

出一次去,之後越黎越多,跟住就講得係理所當然!

 

星期六佢第一次明知我唔開心,佢都拼命要出!我心死了!仲要我唔聽電話,換來只有佢話點解又要唔聽電話?點解我要迫住接受?我仲要去祝福?點解我唔會唔開心?但又如何?佢真的變了!

 

呢一晚係佢同佢出完去後,佢過左黎!但點解而家要佢每一次happy完要我係佢後面!

 

一見到,心又軟喇!咁而家我算係咩?我係後備?

見到一母中無再嘈!因為好難得先有咁的機會。

 

如果我係的!我諗佢已經搬左過黎住!

 

呢一日我地好狠,好癲,好好似一次大解放咁!每一次都係當最後一次!抱得好實好實!但而家無論係咩地方見到佢,我都覺得自己好似發夢咁!好唔真實!呢一晚佢係我隔離,依然好似係夢中出現咁!呢個的佢只有夜晚先會見到!

 

呢一晚將會變得越來越罕有!

我地係呢段時間,越黎越多拗撬,嘈到根本唔知為咩而嘈?日日夜夜都嘈!衝突大左的原因係佢越來越想見佢!佢真係多左一個心,分左任俾佢!

 

可惜無論嘈幾耐?最後結果係越

黎越

 

 

 

 

不由自主的船

October 4, 2011 § Leave a comment

而家我地的關係就好似一隻船不受控制咁,一時吹近岸,一時又吹離岸邊!好多的掙扎,好多的飄拂!明明可以斬釘截鐵,但偏偏不由自主!世上最痛苦的事,係明明屬於自己的野,一樣好重要的野,千辛萬苦可以講我找到了的野,要無奈咁將佢送俾人。

我係岸的中間,諗住長期企起個個位置!諗住唔郁,諗住呆企,但偏偏唔知點解被拉返返岸!

我地的關係真係完全係混亂、矛盾!

我心其實已經死左,睇住佢而家會調反轉頭鬧返我,話俾我聽所有野就係理所當然!真係好心死!見到佢個身越走越遠,越來越泥足深陷!我只可以無奈企起一邊!睇住佢的變!因為大家的掙扎,造成好多潛在的壓迫!

事實上,我累了!我真的想離開!唔想再見到佢為左佢,越黎越可怕!

我真係迫於無奈接受!好痛苦!有邊個明?要喊已經喊晒!當佢每一次問我咁佢可以點?我都想問我可以點?

出一次去,之後越黎越多,跟住就講得係理所當然!

星期六佢第一次明知我唔開心,佢都拼命要出!我心死了!仲要我唔聽電話,換來只有佢話點解又要唔聽電話?點解我要迫住接受?我仲要去祝福?點解我唔會唔開心?但又如何?佢真的變了!

呢一晚係佢同佢出完去後,佢過左黎!但點解而家要佢每一次happy完要我係佢後面!

一見到,心又軟喇!咁而家我算係咩?我係後備?
見到一母中無再嘈!因為好難得先有咁的機會。

如果我係的!我諗佢已經搬左過黎住!

呢一日我地好狠,好癲,好好似一次大解放咁!每一次都係當最後一次!抱得好實好實!但而家無論係咩地方見到佢,我都覺得自己好似發夢咁!好唔真實!呢一晚佢係我隔離,依然好似係夢中出現咁!呢個的佢只有夜晚先會見到!

呢一晚將會變得越來越罕有!
我地係呢段時間,越黎越多拗撬,嘈到根本唔知為咩而嘈?日日夜夜都嘈!衝突大左的原因係佢越來越想見佢!佢真係多左一個心,分左任俾佢!

可惜無論嘈幾耐?最後結果係越
黎越

Where Am I?

You are currently viewing the archives for October, 2011 at waterman0808.