March 13, 2012 § Leave a comment

由上兩星期開始,不停忙忙忙!忙到變肥了!忙到失去生活了!忙到唔記得自己還有咩可以諗?

返工,遲收工,食飯,訓覺,返工。。。重覆又重覆!

公司內地不穩,一年後還需要嘛?
想做運動?不想變肥
想去旅行,但真係唔知可以去邊?錢?
想改變自己,想成長,別人都站穩了,去了另一境界,我比別人慢!we坦言佢的決心!佢彷彿已跑到另一世界!我呢?第一次被佢清晰的對話(不是睡前的呆頭呆腦)我驚嚇了!真的第一次知道兩的距離!將會變成陌生人!

Advertisements

鴻人會

March 7, 2012 § Leave a comment

今日過左一個幾特別的一天!

今日真實返工時間,大約只有4個鐘!返左工大半年,終於有機會去聽佢地每個月的《鴻人會》,之前我諗過係關於公司的業績呀個D!但係原來係好似教會D分享會(應該每次唔同主題)但今期適逢HFT25 YEARS OLD!所以將會推出一本人情味的書!

而今日分別有BENJAIMEN,姬C丁(某大粒野),同阿SIR(HFT CEO)去分享佢地個人的事。其實真係好鼓舞性,鼓勵性,而且係爆感動。現場應該有1/3的人喊!

我今日聽到的最大得著,就好似突然明白左神工作的偉大。真的好偉大!而且佢將呢份愛帶到去一個領導人手上,領導人再將佢發揚出黎,個種偉大係真係好難形容。只能說真的是神蹟,祂將不可能變成可能!我入黎見工的時候,已經SENSE到呢間公司同其他公司係有D分別!至少佢地有笑容上班。而每一次見到員工的福利呀,笑容呀,大家互相幫助,以至ANNUAL DINNER的認真性!都因為呢位CEO 而將公司改變了。係,佢講得啱,係呢間公司見到的係愛。

呢個老細,將愛帶到呢間公司。或者我無親身去睇佢開會,又或者我無真正的接觸佢。但係我每一次都會讚嘆佢的偉大,佢令成間公司氣份唔同左。係再一次體會到係個一份愛。

我記性不太好,只記得佢講左佢做人做左咁多年的總結,而又中到我心的。就係,人生最可悲的唔係由1千萬變到破產,最可悲係到你最後一日,你都無真正去關心/了解過你隔離個個,你都無真正的望過佢一眼,(我好珍惜每一刻我用眼去睇到的野),你都無真正摸過佢。佢話一定要珍惜個D愛你的人,同埋你好愛的人。唔好錯過任何一個。因為人越大真係可以擁有的人唔多。

同埋佢講過,如果你係點樣生活?你就會點樣工作?所以佢覺得要令大家開心。佢會不支持肥上瘦下。而且佢會以關心員工為大前提。同你唔係上司下屬關係。係朋友。即使係得到你的軀殼返工,但係佢都得唔到你的心。

 

其實仲有兩個故事,一個就係80後後生仔,佢真HFT傳奇故事,佢因為愛阿SIR而入左黎呢間公司做。而且仲要見左4次工先可以入到黎做。我真係未見過有人可以愛一樣野愛得咁瘋狂,而個樣野仲要係一間公司。佢不停SEND PROPOSAL 俾阿SIR。而且任勞任怨。

係,係佢身上見到堅持,不問回報,只有做。而且要認錯,同唔怕錯,唔怕醜。機會先會黎。佢帶動左個好好的現場氣氛,雖然佢有鄉音,但係佢係一個思路好清𥇦的人。

 

仲有一個好惡的女人好強的女人,我絕對無睇錯人。佢真的係奇貎不揚,(我個日仲諗究竟係人天生醜,定係因為佢個心唔好而形成佢個樣醜呢?)而事實上連阿SIR都話佢好難頂。

但係係呢個咁強的女人的背後,都有好多不同的故事。而且佢仲可以同公司D人做到真正的好友。佢做事的狠同埋真正接受挑戰的人,由記者編劇再做老闆到而家的高職位。而且30YEARS OLD前已經買到樓。真係勁!

佢認為所有野都係佢掌握得到,因為佢係一個好勤力的人。好快佢就搭上人生的快車。而且好順利。直至佢遇到人生中不能掌握的事,就係生命 。係,一個人無左健康就乜都無了。佢先生係佢結婚2年就走左了。佢雖強但係都有軟弱的時候。而且即使佢多強但係都需要愛,而且佢最終都相信神。真係好多神蹟呀!

呢個故事真係令到無數咁多人拎出TEMPO。

而係卡啦中,佢都有透露阿SIR對佢的好,而大家係到互相講大家的故事時,連CEO都忍唔住了,他哭了。

我驚嚇了!CEO竟然哭了!真的自然流露?ANYWAY我只能說的係,人其實原來幾老套都係個句,你乜都有都無用,無左你的摯愛,無左你的生命,你一樣係一無事處。人最大的用途係活出愛。

同埋無論你係咩野身份,看似好厲害的人,背後都有好多鮮為人知的故事。每一個人生命中都上演緊唔同的戲。

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

 

 

 

 

 

 

 

 

 

 

今日工作係設計員工證,好開心可以設計員工證,我覺得呢樣好重要。但係今日有D無心機!應該可以整得再好D

 

 

 

 

 

 

 

 

 

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

夜晚4個人終於可以約到出黎喇!好似好少就咁純綷食飯。其實無乜真正傾過D乜。不過呢4個人的組合,係今晚竟然很開心呢!簡簡單單的快樂,你笑下我我笑下你!我真真正正享受呢樣野!不過GIGI5月就飛去澳洲,去做一樣野我都想做的野!(係,佢最叻的地方就係佢講得出真係做得到,對於佢個人的事)

大家拎住電話,好努力分享大家的近況。(第一次唔再因為電話而覺得大家疏離,而係因為電話而拉近左)

唔知5年後大家又會點呢???所有野我都好珍惜好享受!

呢一刻我擁有好多!我真的覺得好開心!返工好開心!做野有滿足感!同事好!朋友好!如果感情都可以咁如意就好喇!

係,今日仲有另一總結,就係你以為自己失去好多野的時候?其實當你失去時你會擁有更多!或者今天的我,真係未能感受呢件事!但係我真的想學會!係因為執著令人痛苦,放下令人豁達?

寂寞寂寞就好

March 1, 2012 § Leave a comment

今日Ot 到八半

十年先Ot一次!我實在無法想像每日ot,長時間留係公司的感覺!雖然生活沒日趣味可言,但也不想只為活而活的感覺!

的而且確,現在我擁有準時上下班的工作!有一份自己喜愛的工作,有一班好同事!無想過可以擁有那麼多!但竟然重回失去重心的自己!內心有無限的寂寞感,生活日日如是,不積極去計劃未來!只有不停忙忙忙,hea hea hea!

2012年開的計劃,一樣也未實現!對於工作,已開始有一種乏味的感覺,但因害怕失去,所以即使想懶都不夠膽鬆懈!不停積極積極,衝衝衝!其實是很累很累!

過去的2個月,覺得時間如激流沖走!內心多了不少的唏噓!越想學會珍惜,越發懶散!

不停迫自己頂硬上!好想得到一個倚靠,好累!連唯一可以支持我的愛,那份安心都被搶走!
我真的好累!真的誰人愛我?

想放手,但卑鄙的行為,留住!

生活沒有重心!好可悲!

近來看到:你想你的人生浸沒在網上中?電子產物中!

沒有好好珍惜,只有不停說忙忙忙!到失去時,才發現沒有好好望過對方一眼,沒有好好了解,沒有好好關心,沒有好好觸摸!

甚麼也沒有,又是愛得太遲!

Where Am I?

You are currently viewing the archives for March, 2012 at waterman0808.