倒數第58天

April 3, 2013 § Leave a comment

Image倒數第58天

距離過去澳洲的日子越黎越近,但係我依然都係乜都未PLAN。我唔知痴左邊條「懶」的因子,真係懶到想打死自己。(我諗而家係我畢身以黎最懶的時刻)由倒數3個月開始,PLAN自己學英文,做運動,學呢學路,最後無一樣野成事。連基

2012大事回顧

December 31, 2012 § Leave a comment

2012大事回顧

大事回顧,每年都會寫,每年都會後悔自己有些事未做!今年即使是大家鬧得熱哄哄的世界末日,事情都是沒有改變過的!今日我依然寫回顧,證明世界(12月21日)並沒有末日。

最後悔沒有做的事,依然都是沒有好好將自己的生活好好記低。明明自己是一個失控的「無記性人」;加上我是那些感覺變得快過恆生指數的人(請問自己下年可以改寫記錄這件事嘛?)

今年應該會比以往的每年體會到最深、最多思考性的一年!要一個主題慨括會是:成長。

上半年發生了什麼事,都遺忘得七七八八(但應該大部份都是開心平安的,模糊記得所有事情都是很順利的)

下半年就真的是股市暴跌的可怕感覺,(由極度平安變為極度不平安)

7月後,有無數的議題在我生命中出現,工作?朋友?感情?人生?

由於真的一下子成長了,如有畫面的話,自己像企在一個很多人的那路中間,人們駱驛不絕的在我身邊穿插,身邊的人都好像FASTFORWARD的高速走動,而自己真一動也不動的看見他們走過,感到很多NOISE,但同時又滅了聲。我這感覺就是,別人都再高速行走,而我仍然企起一個的地方,不想動,亦不明白為什麼他們要趕急成這樣?這是生活嗎?努力向前走是為了什麼?(我知道他們想走向的地方是未來,是一個香港模式必定要走的未來)

真的是身不由己,即使你幾不情不願不想長大,但偏偏世界迫住你走向前。人越大想變得更細。或者年紀真的不少,身邊越來越多衝擊、比較!

感情

朋友結婚,引發大家對感情的疑問?(因為要成為別人的目光,所以今年要有一個了斷?!即使世界末日可能會出現,現實始終是現實,一定要向它低頭?)我活在虛幻世界,而他確確實實的活在這世上,活在別人的目光,要求的是迎合世界(以往我不明白,但今天我終於明白!我沒有怪他);而我只是活在虛幻世界,只想活在自己的世界(WE在新森林的餐枱紙圖,所以當身邊的人和事一變,我感到極度害怕!拖拉~掙扎~是我們的寫照!幸好,他最終都沒有離我而去!

朋友

人大了,可以擁有隨心(想笑便笑,想說便說)的朋友,真的不多,真正的朋友全都是在求學時期認識,而可以保留的更加少之有少。因為一個嘉宜,一個GIGI,令我真正反思朋友價值何在?

朋友是用利益來衡量嘛?因為朋友的一句不開心,自動請嬰去幫她影結婚相,整BACKDROP,第一次發現自己真的是義無反顧去幫朋友 (利用所有的朋友的關係,借出道具,影相影到全身傷晒,更帶WE同姥去幫手,不眠不休去幫她設計相簿),換來的是一堆利益問題?幫影相是有目的,是SHOWOFF?對人真誠、太好,反被質疑?一個婚禮令我重新認識一個識了13年的朋友!問自己原來我一直不了解我的朋友!我的心的而且確被傷害了!而且對她很心死!不計較回報的我,知道她最終原來不理解朋友之情,感激的心,我都奇怪地反問?我為什麼要幫她?因為她的婚禮,甚至臉上被癲人摑了一巴,換來的是漠不關心,無人拯救!最終雖然婚禮順利完成,但全無祝福之心,只是認為工作圓滿!一個婚禮,13年感情蕩然無全。

令我認為成長的更有,一個我認為她是一舊古老石頭的旺旺,一個堅稱自己不會「有異性無人性」的她,自她拍拖後,竟然將這句話原原本本的表演出來,更過份的是她竟弱智到將自己的戀情用作SHOWOFF,行為令人可恥!每一次出街,我們最終見到的,都是光光,起初我一直以為自己誤會她,但WE說她是刻意營造這件事時,真的令我莫明奇妙加火上加油!為什麼朋友會這麼可悲!?當她出走澳洲時,我們不捨的到機場送行,換來的是他們的十字緊扣,(以往的她一定會很感動),當她第2次離開時,我們同樣不捨,可惜又換來光光的出現,又是十字緊扣?是什麼呢?如此的嘔心!請彈埋一二邊!

最終換來的是,我不再相信我的朋友!我都覺得很可惜!

回顧又要寫了個頭,不知尾還會出現嘛?希望能完成!

工作

「鴻福堂」3個字我相信我會畢生記住,由第一日INTERVIEW見到阿MO的良好印象,再在雷射2份工選擇下,(大部份人都叫我選擇鴻)直至今日,良好的感覺都依然沒有改變到。

這裡真的是一個好好的地方,又要重覆的說,一份工最重要的,工時,工資,滿足感,同事,老闆,在這個地方一一實現了!繼IMONEY,KENFIL,LEMON,工廠DESIGN,第5份工,我終於找回我自己。我毋需再有任何的掩飾,我可以做回自己,有好的同事,有好的老闆,好的返工放工時間,有人欣賞自己的作品(滿足感),又獲得「摩打手」的稱號,在 這裡自由自在,我可以不受限制地創作,每天10點上班,自成一角,邊聽電台邊做事,食飯時同同事談天說笑,能夠準時放工,我第一次真真正正感覺到自己存在的價值,再沒有以往訴苦的時間!每天都很開心!

由3個月的CONTRACT,到再加3個月,再爭取到12月的CONTRACT,再意想不到菇比的離開,直至今天我真的變成長工(每一下的不確定性,不安感,期待轉長工的渴求)第一次會認為上班比上學更開心。的而且確,如果沒有去澳洲的理想,我相信我會待在這裡一段很長的時間!!正正因為這裡的舒適,令我對澳洲再一次卻步,害怕回來後,再找不到這份「好」工!

歐洲之旅

「吸引力法則」真的說的沒錯,如果你心裡有一個念力灌輸入腦,你一定會達成你要的目標。歐洲這一個我從沒有想過會真的踏足的地方,在未去之前,我和普遍的人一樣,認為它是一個很悶的地方,到處都是教堂,博物館。只是去了多次旅遊,真的很想衝出亞洲!

未去之前,對它有很多奇想,總認為「吃不到的葡萄是酸的」,總認為別人都比我們活得好,外國就是好的!

對於一個處於非「環境泡泡」的地方,去之前又聽聞很多的驚嚇事件!而且我們又只有3個女孩,長徒跋涉,走到國外!真的是一件頗冒險的事!最型的是,我們是「自由人」呢!在短短13天的行程,遊走4國!感恩平安無事的回來了!最不確定的事,永遠令人擔心不安。

這旅行,回想真的是一經多折,先感恩在2011年的12月WE為我種下這個歐洲旅遊的根,事緣他的公司有超平的機票就可以到歐洲,(公司內部EMAIL是$850多元,(當然知道是未包稅,及後才發現稅是要數千元的))但由於時間太趕,一定要在3月前出發,由於準備時間不足問題,所以那次失敗了!

有了根,心就癢,死心不熄,從來都是我的性格!不過要WE願意付出那麼多錢去旅行,真的是一件難事呢!而這一次又再一次證明他是多麼的愛我,他說他想幫我完成心願,只要我想做的,他都願意幫我,只要我喜歡,他願意陪我到處走,每一趙旅行都是,我知我是被他竉壞了,真心知道他很錫我,我確實是感動!從來他的愛都是偉大而務實,不是簡單的金錢禮物,而是真心「說得出做得到」,WE這一關都能夠過,沒有東西難到我了(我以為)!

真正的戲肉就是準備工夫了,對一個完除了巴黎鐵塔外,甚麼都不知的人,還要學人自由行,原來相比起日本,這一關真的很難呢!難到想喊,想去卻無從入手!從來以為只要你真心喜歡,無論多難,你都會願意完成,但往往最難的事,就是起步!

友誼萬歲!?

October 30, 2012 § Leave a comment

友誼萬歲!

今日終於收到嘉宜的結婚相簿!由之前5月緊張地做準備影相,(連歐洲旅行都唔理住)到影個日影到隻手斷左,帶住we姥烈日狂影,事後用左成個禮拜執相,執到想喊(病緊都要執),到近期不停排相!最終出爐!

當拆開的個一刻,前所未有咁緊張!手振住咁拆!打開個一刻真係好感動!
本相簿用水晶做底面,所以好重,呢份重量真係唔簡單,都真係唔識用言語表達!呢份重量真係代表左我地的友誼!13年的友誼!真係有幾多個朋友可以keep到咁耐?

記得中五個年,佢鬧醒左我的人生!?屋企有事時,迫我唔準喊,同我講左一世人的格言,你好慘咩?大把人慘過你喇!
之後重要人生的重要決定,煩惱事都會打俾佢!今次結婚一事,突然發現原來係某部分我地的性格想法係幾咁相似!

亦發現原來當我想朋友開心時,可以做得如此切底!當我以為所有人都變自私時,我竟然可以咁不求回報做所有的野!發現自己原來係幾咁有義氣!?

當我知佢結婚時,知佢去完台灣影完結婚相唔開心,我心想幫佢,係我能力範圍能夠幫,都會出盡力,你要我影相或設計,我都無所謂!不求回報,為的都係朋友真的鍾意!終於完成了,真的完成了!

而佢都真心鍾意!夜晚打電話俾我,講左好多次好多次多謝,叫左好多次好次我全名,佢真係好鍾意,佢明白個本相簿的重量係代表左我地之間的友誼!

夠了!就是真心喜歡!就夠了!

沒有心的動物

October 27, 2012 § Leave a comment

27/10

係咩原因令我逃避寫日記?
懶?攰?空白?

大家都被工作蠶食!
再無多餘時間去理身邊的人!

即使我有比別人多出的時間,每日都只係係空洞的生活裡!真的問人生存的意義!?

我活像一頭沒有心的動物!因沒有愛,寄托變成怪怪的!再沒有思維!再唔相信人!再沒有腦的人!

旅行壓力

October 27, 2012 § Leave a comment

今日返工竟然唔知醒!去旅行的壓力太大了!無一日真係訓得好!

唔知醒,第一時間打俾mo,好坦白講唔知醒!(如果係其他公司真係唔敢講)
遲左個半鐘返到公司!如常工作!實情係無左1個鐘對我影響未至好大!自己罰自己留堂!

仲有3日去旅行喇!今日放工後終於有少少興奮!
不過自we同心協力製作powerpt後!感覺放鬆了!希望一切順利!

尋日放工同we去沙田一田購物呢!佢捉得我好實好實!開心!不過一田一年一度大特賣,場面好虛憾!尋日真係用晒我的精力!我一返到家第一時間就訓喇!

軀殻

October 27, 2012 § Leave a comment

現在的自己,好似一個軀殻!沒有再屬於自己的靈魂!我係一隻蟹,更可怕的係一隻寄居蟹!沒有we,我沒有了心靈的居所!

見到朋友都雙雙對對,有咩事都有一個人去依靠,去錫自己!的而且確羨慕得很!真的如千嬅的可人兒!為何沒有人來愛?我犯了什麼錯?

忙忙忙

October 27, 2012 § Leave a comment

由上兩星期開始,不停忙忙忙!忙到變肥了!忙到失去生活了!忙到唔記得自己還有咩可以諗?

返工,遲收工,食飯,訓覺,返工。。。重覆又重覆!

公司內地不穩,一年後還需要嘛?
想做運動?不想變肥
想去旅行,但真係唔知可以去邊?錢?
想改變自己,想成長,別人都站穩了,去了另一境界,我比別人慢!we坦言佢的決心!佢彷彿已跑到另一世界!我呢?第一次被佢清晰的對話(不是睡前的呆頭呆腦)我驚嚇了!真的第一次

可人兒

October 27, 2012 § Leave a comment

接近8時,剛回家!剛聽著楊千嬅「可人兒」,要是可愛為何無人愛我,回來和牆壁唱左愛歌!有時趕著回家,都唔知為了什麼?

每天努力上班,接受日日新鮮日日金的工作模式!係,因為一班好同事好上司,令我接受左每日突如其來的挑戰!近排被賤人,四張幾野,成日同老細扭計,成日自把自為,想點就點!唉!事實上唔想將佢記低!
因為我請左假,佢請唔到,就吹噓我早走!都唔諗係佢個人問題!日日話要攝job俾我!你邊位?自己做唔晒野就想卸落人地到!
的而且碓好炆!唉!
可惜呢種炆係無從發洩!唉!we佢都唔會明!

現在每一天趕著回家,睇下行程有幾多未完成?算是寄託嘛?每日即使準時走回到家又無乜做過咩?沒完沒了的感覺的痛苦!沒有打俾we,每晚真的說聲晚安!沒話題疲憊的收線!我訓喇!

唉!人大了!要轉心情真係好難!被工作佔了大部分!無寄託!做人還有什麼意義!

出走的激勵

October 27, 2012 § Leave a comment

星期二的決定

雖天氣好,好想郊遊但we病了,唯有打牌消遣!努力玩!之後仲玩米蘭棋!好用腦,幾好玩!

夜晚去Apm food court dinner,竟換來意想不到的鼓勵!

一直掙扎係去澳洲的決定!但佢地竟熱烈咁支持我去!

尤其we的大力鼓勵,佢講左2樣野,如果我擔心肥,佢叫我俾電話佢,佢得閒慰問佢!

我去得成澳洲,佢同姥會過黎搵我!
佢好似去返中學時,我贏左辯論比賽,佢應承我去參加歌唱比賽!

我一直猶豫我而家的諗法係錯,個個都話我扔低肥,剛轉長工!終於穩定!

我以為佢地一定會話我任性,但
係竟然無!

好似以前返工咁,我遇到難題時,佢地幫我解決!?

we真係好好,佢用左好多力去支持我!佢話我知我做所有野都唔係得自己一個人,身邊有好多人支持我!

佢話知道我呢個係我的夢想,佢知道呢個係我渴望左好耐的事!佢知道如果我可以完成,我一定會好開心,而個d的開心,佢俾唔到我,亦唔可以用錢買得到!佢想我可以完成夢想,想我開心,所以佢好努力支持我!

佢話趁而家天時地理人和,趁而家有心有力,仲有團火快d去做!
肥可以照顧自己,我最可以早去早回!

我最擔心係返黎,我會無左佢,無左工作!佢同我講我唔會失去d咩,只會得到更多更多,佢叫我信佢!

而家生活好似無左目標!?人生日日如是,有好多的愛,好多的力,唔知應該放去邊!?但今日有喇!

佢地相信我要做一定做到!
難得旺咁都可以暫時放低月光,咁我仲有咩驚?今日我依然仲有團火,有大無胃精神,唔怕死的人,有好大勇氣

難得能夠有一個咁的體會!如果我唔做,我會一世後悔!we話我今日證明我做的野係啱的!當初讀design都係萬人反對,今日我用行動證明左我係啱的!今日去澳洲都係!

只要睇到愛人開心,呢d就係愛!

澳洲的決定!

October 24, 2012 § Leave a comment

星期二的決定

雖天氣好,好想郊遊但we病了,唯有打牌消遣!努力玩!之後仲玩米蘭棋!好用腦,幾好玩!

夜晚去Apm food court dinner,竟換來意想不到的鼓勵!

一直掙扎係去澳洲的決定!但佢地竟熱烈咁支持我去!

尤其we的大力鼓勵,佢講左2樣野,如果我擔心肥,佢叫我俾電話佢,佢得閒慰問佢!

我去得成澳洲,佢同姥會過黎搵我!
佢好似去返中學時,我贏左辯論比賽,佢應承我去參加歌唱比賽!

我一直猶豫我而家的諗法係錯,個個都話我扔低肥,剛轉長工!終於穩定!

我以為佢地一定會話我任性,但
係竟然無!

好似以前返工咁,我遇到難題時,佢地幫我解決!?

we真係好好,佢用左好多力去支持我!佢話我知我做所有野都唔係得自己一個人,身邊有好多人支持我!

佢話知道我呢個係我的夢想,佢知道呢個係我渴望左好耐的事!佢知道如果我可以完成,我一定會好開心,而個d的開心,佢俾唔到我,亦唔可以用錢買得到!佢想我可以完成夢想,想我開心,所以佢好努力支持我!

佢話趁而家天時地理人和,趁而家有心有力,仲有團火快d去做!
肥可以照顧自己,我最可以早去早回!

我最擔心係返黎,我會無左佢,無左工作!佢同我講我唔會失去d咩,只會得到更多更多,佢叫我信佢!

而家生活好似無左目標!?人生日日如是,有好多的愛,好多的力,唔知應該放去邊!?但今日有喇!

佢地相信我要做一定做到!
難得旺咁都可以暫時放低月光,咁我仲有咩驚?今日我依然仲有團火,有大無胃精神,唔怕死的人,有好大勇氣

難得能夠有一個咁的體會!如果我唔做,我會一世後悔!we話我今日證明我做的野係啱的!當初讀design都係萬人反對,今日我用行動證明左我係啱的!今日去澳洲都係!

只要睇到愛人開心,呢d就係愛!

 

Create your own website, free on WordPress.com.Create your own website.
Start free